Deobandi Books

عام حالات: نبوّت کے تیرھویں سال جب آپ نے مدینہ منوّرہ ہجرت کی تو حضرت زید بن حارثہؓکو مکہ بھیجا کہ حضرت سودہؓ وغیرہ کو لے کر آئیں۔ چنانچہ وہ اور حضرت فاطمہ زہراؓ حضرت زیدؓ کے ہمراہ مدینہ آئیں۔
۱۰ ہجری میں جب آنحضرتﷺ نے حج کیا تو حضرت سودہؓ بھی ساتھ تھیں، چونکہ وہ بلند وبالا اور فربہ اندام تھیں، اس وجہ سے تیزی کے ساتھ چل پھر نہیں سکتی تھیں، اس لیے آنحضرتﷺ نے اجازت دی کہ اور لوگوں کے مزدلفہ روانہ ہونے کے قبل ان کو چلا جانا چاہیے، کیونکہ ان کو بھیڑ بھاڑ میں چلنے سے تکلیف ہوگی۔1 


وفات: ایک دفعہ ازواجِ مطہر۔ّاتؓ آنحضرتﷺ کی خدمت میں حاضر تھیں، انہوں نے دریافت کیا کہ یارسول اللہ! ہم میں سب سے پہلے کون مرے گا؟ فرمایا کہ جس کا ہاتھ سب سے بڑا ہے، لوگوں نے ظاہری معنی سمجھے، ہاتھ ناپے گئے تو سب سے بڑا ہاتھ حضرت سودہؓ کا تھا2 لیکن جب سب سے پہلے حضرت زینبؓ کا انتقال ہوا تو معلوم ہوا کہ ہاتھ کی بڑائی سے آپ کا مقصود سخاوت اور فیاضی تھی۔ بہرحال واقدی نے حضرت سودہؓ کا سالِ وفات ۵۴ ہجری بتایا ہے۔3  لیکن ۔ِثقات کی روایت یہ ہے کہ انہوں نے حضرت عمرؓ کے اخیر زمانۂ خلافت میں انتقال کیا۔4 
حضرت عمرؓ نے ۲۳ ہجری میں وفات پائی ہے اس لیے حضرت سودہؓ کا سالِ وفات ۲۲ ہجری ہوگا، خمیس میں یہی روایت ہے اور یہی سب سے زیادہ صحیح ہے5 اور اس کو امام بخاری، ذہبی، جزری، ابن عبدالبر اور خزرجیؓ نے اختیار کیا ہے۔


اولاد: آنحضرتﷺ سے کوئی اولاد نہیں ہوئی، پہلے شوہر (حضرت سکرانؓ) نے ایک لڑکا یادگار چھوڑا تھا جس کا نام عبدالرحمن تھا، انہوں نے جنگِ جلولاء (فارس) میں شہادت حاصل کی۔6 
حلیہ: ازواجِ مطہر۔ّاتؓ میں حضرت سودہؓ سے زیادہ کوئی بلند و بالا نہ تھا، حضرت عائشہؓ کا قول ہے کہ جس نے ان کو دیکھ لیا اس سے وہ چھپ نہیں سکتی تھیں۔ 1  زرقانی میں ہے کہ ان کا قد لمبا تھا۔ 


فضل و کمال: حضرت سودہؓ سے صرف پانچ حدیثیں مروی ہیں جن میں سے بخاری میں صرف ایک ہے۔ صحابہ میں حضرت