Deobandi Books

انتقال کے بعد دیکھوں گا اور نہ وہ مجھ کو دیکھیں گے، حضرت عبدالرحمنؓ گھبرا کر حضرت عمرؓ کے پاس پہنچے اور ان سے یہ حدیث بیان کی، حضرت عمر حضرت اُمّ سلمہؓ کے پاس تشریف لائے اور کہا: ’’خدا کی قسم! سچ سچ کہنا کیا میں انہی میں ہوں؟‘‘
حضرت اُمّ سلمہؓ نے کہا: نہیں! لیکن تمہارے علاہ کسی کو مستثنیٰ نہیں کروں گی۔1 
حضرت اُمّ سلمہؓ سے جن لوگوں نے علم حدیث حاصل کیا ان کی ایک بڑی جماعت ہے، ہم صرف چند ناموں پر اکتفا کرتے ہیں:
عبدالرحمن بن ابی بکر، اسامہ بن زید، ہند بنت الحارث الفراسیہ، صفیہ بنت شیبہ، عمر، زینب (اولاد حضرت اُمّ سلمہؓ ) مصعب بن عبداللہ( برادر زادہ) نبہان (غلام مکاتب) عبداللہ بن رافع، نافع، شعبہ، پسرِ شعبہ، ابوبکیر، خیرہ (والدۂ حسن بصری) سلیمان بن یسار، ابو عثمان النہدی، حمید، ابو سلمہ، سعید بن مسیب، ابو وائل، صفیہ بنت محصن، شعبی، عبد الرحمن بن حارث بن ہشام، عکرمہ، ابوبکر بن عبدالرحمن، عثمان بن عبداللہ بن موہب، عروہ بن زبیر، کریب (مولیٰ ابن عباس) قبیصہ بن زویب، نافع (مولیٰ ابن عمر) یعلی بن مملک ؓ۔


اخلاق و عادات: حضرت اُمّ سلمہؓ نہایت زاہدانہ زندگی بسر کرتی تھیں، ایک مرتبہ ایک ہار پہنا جس میں سونے کا کچھ حصہ شامل تھا، آنحضرتﷺ نے اعراض کیا تو اس کو توڑ ڈالا۔2  ہر مہینہ میں تین دن (پیر، جمعرات اور جمعہ) روزہ رکھتی تھیں۔3  
ثواب کی متلاشی رہتیں، ان کے پہلے شوہر کی اولاد ان کے ساتھ تھی اور وہ نہایت عمدگی سے ان کی پرورش کرتی تھیں، اس بنا پر آنحضرتﷺ سے پوچھا کہ مجھ کو اس کا کچھ ثواب بھی ملے گا؟ آپ نے فرمایا: ہاں۔4 
اچھے کاموں میں شریک ہوتی تھیں آیت تطہیر ان ہی کے گھر میں نازل ہوئی تھی، آنحضرتﷺ نے حضرت فاطمہؓ اور حسنینؓ کو بلا کر کمبل اوڑھایا اور کہا: ’’خدایا! یہ میرے اہلِ بیت ہیں، ان سے ناپاکی کو دور کر اور ان کو پاک کر۔‘‘ حضرت اُمّ سلمہؓ نے یہ دعا سنی تو بولیں: یارسول اللہ ! میں بھی انکے ساتھ شریک ہوں، ارشاد ہوا تم اپنی جگہ پر ہو اور اچھی ہو۔5 
امر بالمعروف اور نہی عن المنکر کی پابند تھیں، نماز کے اوقات میں بعض امراء نے تغیر و تبدل کیا یعنی مستحب اوقات چھوڑ دیئے تو حضرت اُمّ سلمہؓ نے ان کو تنبیہ کی اور فرمایا کہ آنحضرتﷺ ظہر جلد پڑھا کرتے تھے اور تم عصر جلد پڑھتے ہو۔1 
ایک دن ان کے بھتیجے نے دو رکعت نماز پڑھی، چونکہ سجدہ گاہ غبار آلود تھی وہ سجدہ کرتے وقت مٹی جھاڑتے تھے، حضرت اُمّ سلمہؓ نے روکا کہ یہ فعل آنحضرتﷺ کی رَوِش کے خلاف ہے، آنحضرتﷺ کے ایک غلام نے ایک دفعہ ایسا کیا تھا تو آپ نے فرمایا تھا: