Deobandi Books

کافروں کا ہدیہ قبول کرنا: حضرت اسماءؓ کی ماں قتیلہ کافرہ تھیں اور حضرت ابو بکرؓ نے زمانۂ جاہلیت ہی میں ان کو طلاق دیدی تھی ایک بار وہ حضرت اسماءؓ کے پاس متعد۔ّد چیزیں ہدیہ لے کر آئیں، چونکہ یہ کافرہ کا ہدیہ تھا اس لیے حضرت اسماءؓ نے ان کو قبول کرنے سے انکار کردیا اور حضرت عائشہؓ کے ذریعہ سے رسول اللہﷺ سے دریافت کروایا، آپ نے اس کو قبول کرنے کی اجازت دیدی۔2 
مذہبی زندگی کے مظاہرِ مختلفہ
تسبیح و تہلیل: تسبیح و تہلیل پاک مذہبی زندگی کی مخصوص علامات ہیں اور صحابیات میں یہ علامت پائی جاتی تھی، ایک صحابیہؓ سامنے کنکری یا گٹھلی رکھ کر تسبیح پڑھ رہی تھیں، رسول اللہﷺ نے دیکھا تو فرمایا کہ اس کی کیا ضرورت ہے؟ میں اس سے آسان ترکیب بتاتا ہوں۔ اس کے بعد ایک دعا بتادی۔1


مقاماتِ مقد۔ّسہ کی زیارت: حصولِ برکت کا شوق صحابیات کو مقاماتِ مقد۔ّسہ کی طرف کھینچ لیے جاتا تھا، ایک بار ایک صحابیہؓ بیمار ہوئیں اور یہ نذر مانی کہ اگر خدا شفا دیگا تو بیت المقدس میں جاکر نماز پڑھوں گی، صحت یاب ہوئیں تو سامانِ سفر کیا اور رخصت ہونے کے لیے حضرت میمونہؓ کی خدمت میں حاضر ہوئیں انہوں نے کہا کہ مسجد نبوی میں نماز پڑھ لو۔ رسول اللہﷺ نے فرمایا ہے کہ میری مسجد میں ایک نماز دوسری مساجد کی ہزار نمازوں سے بہتر ہے۔2ایک صحابیہؓ نے مسجدِ قبا تک پاپیادہ جانے کی نذر مانی تھی، ابھی نذر پوری کرنے بھی نہیں پائی تھیں کہ انتقال ہوگیا، حضرت عبداللہ بن عباسؓ نے فتویٰ دیا کہ ان کی صاحب زادی نذر پوری کریں۔3


فرائضِ مذہبی ادا کرنے میں جسمانی تکلیفیں اُٹھانا: شوقِ عبادت ہر قسم کی جسمانی تکلیفوں کو آسان کردیتا ہے اور صحابیات میں یہ شوق موجود تھا، اس لیے وہ ہر قسم کی تکلیفیں برداشت کرتی تھیں اور فرائضِ اسلام کو بخوشی ادا کرتی تھیں۔ حضرت حمنہ بنت جحشؓ ایک صحابیہ تھیں اُن کا معمول تھا کہ برابر مصروفِ نماز رہتی تھیں، جب تھک جاتی تھیں تو ستونِ مسجد میں ایک رسی باندھ رکھی تھی اس سے لٹک جاتی تھیں۔ رسول اللہﷺ نے اس رسی کو دیکھا تو فرمایا: ان کو صرف اسی قدر نماز پڑھنی چاہیے جو ان کی طاقت