Deobandi Books

معاویہؓ، ابو جہم اور اسامہ بن زیدؓ نے بھی پیغام دیا۔ لیکن آنحضرتﷺ نے پہلے دو شخصوں کا پیغام اس لیے مسترد کردیا کہ اوّلُ الذکر مفلس اور دوسرے ۔ُتند مزاج تھے پھر فاطمہؓ سے فرمایا کہ تم اسامہؓ سے نکاح کرلو۔ چونکہ فاطمہؓ کو خیال تھا کہ خود آنحضرتﷺ ان کو اپنی زوجیت۔ّ کا شرف عطا فرمائیں گے اس لیے انکار کیا، ارشاد ہوا: ’’خدا اور رسول اللہﷺ کی اطاعت کرو، اس میں تمہارے لیے بھلائی ہے۔‘‘یہ سن کر فاطمہؓ مجبور ہوئیں اور حضرت اسامہؓ سے نکاح کرلیا، کہتی ہیں کہ پھر میں قابلِ رشک بن گئی۔1
۲۳ ہجری میں جب حضرت عمرؓ نے انتقال کیا تو مجلسِ شوریٰ کا اجلاس فاطمہؓ ہی کے مکان میں ہوتا تھا۔2 
۵۴ ہجری میں حضرت اسامہؓ نے انتقال فرمایا تو فاطمہؓ کو سخت صدمہ ہوا، دوسری شادی نہیں کی اور اپنے بھائی ضحاکؓ کے ساتھ رہیں۔ جب یزید نے اپنے عہد حکومت میں ان کو عراق کا گورنر مقر۔ّر کیا تو فاطمہؓ بھی ان کے ساتھ کوفہ چلی آئیں اور یہیں سکونت اختیار کی۔ 


وفات: وفات کا سال معلوم نہیں، حضرت ابن زبیرؓ کے زمانۂ خلافت تک زندہ رہیں۔3


حلیہ:خوب صورت تھیں۔4 


فضل و کمال: اسد الغابہ میں ہے:
لَھَا عَقْلٌ وَکَمَالٌ۔5
’’ وہ نہایت عاقل اور صاحب کمال تھیں‘‘
حضرت سعید بن زیدؓ کی صاحبزادی عبداللہ بن عمرو بن عثمان کو منسوب تھیں، انہوں نے ان کو تین طلاقیں دیں، فاطمہؓ ان کی خالہ ہوتی تھیں کہلا بھیجا کہ میرے گھر چلی آؤ مروان نے قبیصہ کو بھیجا کہ فاطمہؓ سے سبب دریافت کرو، قبیصہ نے آکر کہا کہ آپ ایک عورت کو ایامِ عد۔ّت گزرنے سے قبل کیوں گھر سے نکالتی ہیں؟ بولیں: اس لیے کہ آنحضرتﷺ نے مجھ کو یہی حکم دیا تھا۔ اس کے بعد اپنا واقعہ بیان کیا اور اس کی قرآن مجید سے تائید پیش کی، قرآن مجید میں ہے: