Deobandi Books

بعض روایتوں میں یہ بھی ہے کہ کنگن کا واقعہ خود حضرت اسماءؓ کا تھا۔2 
عام حالات: ۱ ہجری میں حضرت عائشہؓ کی رخصتی ہوئی اور وہ اپنے میکہ سے کاشانۂ نبوّت میں آئیں تو جن عورتوں نے ان کو سنوارا تھا ان میں حضرت اسماءؓ بھی داخل تھیں۔ حضرت عائشہؓ کو جلوے میں بٹھا کر آنحضرتﷺ کو اطلاع کی، آپ ان کے پاس آکر بیٹھ گئے، کسی نے دودھ پیش کیا تو تھوڑا سا پی کر حضرت عائشہؓ کو دے دیا ان کو شرم معلوم ہوئی اور سرجھکا لیا۔ حضرت اسماءؓ نے ڈانٹا کہ رسول اللہﷺ جو دیتے ہیں، لے لو۔ حضرت عائشہؓ نے دودھ لے کر کسی قدر پی لیا اور پھر آنحضرتﷺ کو واپس کردیا۔ آنحضرتﷺ نے حضرت اسماءؓ کو دیا انہوں نے پیالہ کو گھٹنے پر رکھ کر گردش دینا شروع کیا کہ جس طرف سے آنحضرتﷺ نے نوش فرمایا تھا وہاں بھی منہ لگ جائے۔ اس کے بعد آنحضرتﷺ نے فرمایا کہ اور عورتوں کو بھی دو، لیکن سب نے جواب دیا کہ ہم کو اس وقت خواہش نہیں ہے، ارشاد ہوا: ’’بھوک کے ساتھ جھوٹ بھی1؟‘‘ 
۱۵ ہجری میں یرموک کا واقعہ پیش آیا اس میں حضرت اسماءؓ نے اپنے خیمہ کی چوب سے ۹ رومیوں کو قتل کیا۔2 


وفات: یرموک کے بعد مد۔ّت تک زندہ رہیں اور پھر وفات پائی، وفات کا سال معلوم نہیں ہے۔


فضل و کمال: حضرت اسماءؓ نے آنحضرتﷺ سے چند حدیثیں روایت کی ہیں، جن کے راوی اصحابِ ذیل ہیں: محمود بن عمرو انصاری، مہاجرین ابی مسلم، شہر بن حوشب، مجاہد، اسحق بن راشدؓ لیکن ان میں سب سے زیادہ شہر بن حوشب نے روایتیں کی ہیں۔


اخلاق: استیعاب میں ہے:
کَانَتْ مِنْ ذَوَاتِ الْعَقْلِ وَالدِّیْنِ۔3
’’یعنی وہ عقل اور دین دونوں سے متصف تھیں۔‘‘
آنحضرتﷺ کی خدمت کرتی تھیں۔ ایک مرتبہ ناقہ غضباء کی ۔ُمہارتھامے تھیں کہ آنحضرتﷺ پر وحی نازل ہوئی، ان کا بیان ہے کہ وحی کا اتنا بار تھا کہ مجھے خوف ہوا کہ کہیں اونٹنی کے ہاتھ پاؤں نہ ٹوٹ جائیں۔4  حضرت اسماءؓ اکثر اوقات کاشانۂ نبوّت میں حاضر