Deobandi Books

کیا، اللہ ان کو قتل کرے اور حسینؓ کو جس نے ذلیل کیا، خدا ان لوگوں پر لعنت کرے۔6 
۶۳ ہجری میں واقعہ حرّہ کے بعد شامی لشکر مکہ آگیا جہاں ابن زبیرؓ پناہ گزین تھے، چونکہ آنحضرتﷺ نے ایک حدیث میں ایسے لشکر کا تذکرہ فرمایا تھا، بعض کو شبہ ہوا اور حضرت اُمّ سلمہؓ سے دریافت کیا، بولیں: آنحضرتﷺ نے یہ فرمایا ہے کہ ’’ایک شخص مکہ میں پناہ لے گا اس کے مقابلہ میں جو لشکر آئے گا بیابان میں وہیں دھنس جائے گا۔‘‘ اُمّ سلمہؓ نے پوچھا: جو لوگ جبراً شریک کیے گئے ہوں گے وہ بھی؟ فرمایا: ’’ہاں! لیکن قیامت کے دن اپنی نیتو۔ّں کے مطابق اٹھیں گے۔‘‘ حضرت ابو جعفرؓ فرماتے تھے کہ یہ واقعہ مدینہ کے میدان میں پیش آئے گا۔1 


وفات: جس سال حرّہ کا واقعہ ہوا یعنی ۶۳ ہجری اسی سال حضرت اُمّ سلمہؓ نے انتقال فرمایا، اس وقت ۸۴ برس کا سن تھا، حضرت ابوہریرہ ؓ نے نمازِ جنازہ پڑھی اور بقیع میں دفن کیا۔2 اس زمانہ میں ولید بن عتبہ (ابو سفیان کا پوتا) مدینہ کا گورنر تھا۔ چونکہ حضرت اُمّ سلمہؓ نے وصیت کی تھی کہ وہ میرے جنازہ کی نماز نہ پڑھائے، اس لیے وہ جنگل کی طرف نکل گیا اور اپنے بجائے حضرت ابوہریرہ ؓ کو بھیج دیا۔3 


اولاد: حضرت اُمّ سلمہؓ کے پہلے شوہر سے جو اولاد ہوئی ان کے نام یہ ہیں:
(۱) سلمہؓ: حبشہ میں پیدا ہوئے، آنحضرتﷺ نے ان کا نکاح حضرت حمزہ ؓ کی لڑکی امامہ سے کیا تھا۔
(۲) عمرؓ: آنحضرتﷺ سے حضرت اُمّ سلمہؓ کا نکاح ان ہی نے کیا تھا، حضرت علیؓ کے زمانۂ خلافت میں فارس اور بحرین کے حاکم تھے۔
(۳) درّہؓ : ان کا ذکر صحیح بخاری میں آیا ہے کہ حضرت اُمّ حبیبہؓ نے جو کہ ازواجِ مطہر۔ّاتؓ میں داخل تھیں، آنحضرتﷺ سے کہا: ہم نے سنا ہے کہ آپ درّہ سے نکاح کرنا چاہتے ہیں؟ فرمایا: یہ کیسے ہوسکتا ہے؟ اگر میں نے اس کی پرورش نہ بھی کی ہوتی تو بھی وہ میرے لیے کسی طرح حلال نہ تھی کیونکہ وہ میرے رضاعی بھائی کی لڑکی ہے۔4 
(۴) زینبؓ :پہلے برّہ نام تھا، لیکن آنحضرت نے زینب رکھا۔1