Deobandi Books

حضرت فاطمہؓ آنحضرتﷺ کی محبوب ترین اولاد تھیں اور اب صرف وہی باقی رہ گئی تھیں اس لیے ان کو صدمہ بھی اوروں سے زیادہ ہوا۔ وفات سے پہلے ایک دن آنحضرتﷺ نے ان کو بلا بھیجا، تشریف لائیں تو ان سے کچھ کان میں باتیں کیں، وہ رونے لگیں، پھر بلا کر کچھ کان میں کہا تو ہنس پڑیں۔ حضرت عائشہؓ نے دریافت کیا تو کہا: ’’پہلی دفعہ آپ نے فرمایا کہ میں اسی مرض میں انتقال کروں گا جب میں رونے لگی تو فرمایا کہ میرے خاندان میں سب سے پہلے تم مجھ سے آکر ملوگی تو ہنسنے لگی2۔‘‘  
وفات سے پہلے جب بار بار آپ پر غشی طاری ہوئی تو حضرت فاطمہؓ یہ دیکھ کر بولیں واکرب اباہ! ہائے میرے باپ کی بے چینی! آپ نے فرمایا: ’’تمہارا باپ آج کے بعد بے چین نہ ہوگا3۔‘‘  آپ کا انتقال ہوا تو حضرت فاطمہؓ پر ایک مصیبت ٹوٹ پڑی۔ اسد الغابہ میں لکھا ہے کہ جب تک زندہ رہیں کبھی تبسم نہیں فرمایا۔4  بخاری میں لکھا ہے کہ جب صحابہ نعش مبارک کو دفن کرکے واپس آئے تو حضرت فاطمہؓ نے حضرت انسؓ سے پوچھا: ’’کیا تم کو رسول اللہﷺ پر خاک ڈالتے اچھا معلوم ہوا؟5‘‘  
آنحضرتﷺ کے انتقال کے بعد میراث کا مسئلہ پیش ہوا۔ حضرت عباس، حضرت علیؓ ازواجِ مطہر۔ّات ؓ۔ یہ تمام بزرگ میراث کے مد۔ّعی تھے، حضرت فاطمہؓ کا بھی ایک قائم مقام موجود تھا۔ چونکہ آنحضرتﷺ کی جائیداد خالصتاً جائیداد تھی اور اس میں قانون وراثت جاری نہیں ہوسکتا تھا۔ اس لیے حضرت ابوبکر صدیقؓ نے فرمایا کہ میں رسول اللہﷺ کے اعزّہ کو اپنے اعزّہ سے زیادہ محبوب رکھتا ہوں۔ لیکن د۔ّقت یہ ہے کہ خود آنحضرتﷺ نے فرمایا کہ انبیاء جو متروکہ چھوڑتے ہیں وہ ۔ُکل کا ۔ُکل صدقہ ہوتا ہے اور اس میں وراثت جاری نہیں ہوتی اس بنا پر میں اس جائیداد کو کیوں کر تقسیم کرسکتا ہوں؟ البتہ آنحضرتﷺ کی زندگی میں اہلِ بیت جس حد تک اس سے فائدہ اُٹھاتے تھے اب بھی اُٹھا سکتے ہیں۔ صحیح بخاری میں لکھا ہے کہ اس گفتگو کا حضرت فاطمہؓ کو سخت قلق ہوا اور وہ حضرت ابوبکر صدیق ؓ سے اس قدر ناراض ہوئیں کہ آخر وقت تک ان سے گفتگو نہیں کی1  (طبقات ابن سعد میں ہے کہ حضرت فاطمہؓ بعد کو حضرت ابوبکر صدیق ؓ سے راضی ہوگئی تھیں)۔


وفات: آنحضرتﷺ کے انتقال کو ۶ ماہ گزرے تھے کہ رمضان ۱۱ ہجری میں حضرت فاطمہؓ نے وفات پائی اور آنحضرتﷺ کی یہ پیشین گوئی کہ ’’میرے خاندان میں سب سے پہلے تم ہی مجھ سے آکر ملوگی،‘‘ پوری ہوئی۔ یہ منگل کا دن تھا اور رمضان کی تیسری تاریخ تھی، اس وقت ان کا سن ۲۹ سال کا تھا۔ لیکن اگر دوسری روایتوں کا لحاظ کیا جائے تو اس سے مختلف ثابت ہوگا۔ چنانچہ ایک روایت میں ۲۴ سال، ایک میں ۲۵ سال اور ایک میں ۳۰ سال مذکور ہے۔ زرقانی نے لکھا ہے کہ پہلی روایت ۲۹ سال زیادہ صحیح ہے اگر ۴۱ ہجری (محمدی) کو سالِ ولادت قرار دیا جائے تو اس وقت ان کا یہ سن نہیں ہوسکتا تھا البتہ اگر ۲۴ سال کی عمر تسلیم کی