Deobandi Books

سے سوال کرو۔‘‘ وہ اسی حالت میں آیا اور کہا یا اُمّ عبد اللہ! میں محتاج آدمی ہوں آپ کی دیوار کے سایہ میں کچھ سودا بیچنا چاہتا ہوں؟ بولیں: تم کو مدینہ میں میرا گھر ہی ملتا تھا۔‘‘ حضرت زبیرؓ نے کہا تمہارا کیا بگڑتا ہے جو ایک محتاج کو بیع و شراء سے روکتی ہو؟‘‘ وہ تو چاہتی ہی تھیں، اجازت دیدی۔1 وہ نہایت فیاض تھیں اس لیے صدقہ و خیرات کرنا بہت پسند کرتی تھیں، لیکن شوہر کے مال کے سوا انکے پاس اور کچھ نہ تھا اور شوہر کے مال میں بلا اجازت تصرف نہیں کرسکتی تھیں۔ مجبوراً رسول اللہﷺ سے دریافت فرمایا کہ میں زبیرؓ کی آمدنی میں سے کچھ صدقہ کروں تو کیا کوئی گناہ کی بات ہے؟ ارشاد ہوا کہ جو کچھ ہوسکے ، دو۔2 
ایک دفعہ رسول اللہﷺ نے عورتوں سے بیعت لی تو ان میں سے ایک خاتون اُٹھیں اور کہا کہ ’’ہم اپنے باپ، بیٹے اور شوہر کے محتاج ہیں ان کے مال میں سے ہمارے لیے کس قدر لینا جائز ہے؟‘‘ آپ نے فرمایا کہ ’’اس قدر کہ کھاپی لو اور ہدیہ دو3۔‘‘ 
اگرچہ یہ وصف عموماً تمام صحابیات میں پایا جاتا تھا لیکن اس باب میں قریش کی عورتیں خاص طور پر ممتاز تھیں، چنانچہ خود رسول اللہﷺ نے اپنی زبانِ مبارک سے فرمایا اور اس خصوصیت کو ان الفاظ میں نمایاں کیا:
نِعْمَ النِّسَائُ نِسَائُ قُرَیْشٍ اَحْنَاھُنَّ عَلٰی الْوَلَدِ وَاَرْعَاھُنَّ عَلَی الزَّوْجِ۔4 
’’قریش کی عورتیں کس قدر اچھی ہیں! بچوں سے محبت رکھتی ہیں اور شوہر کے مال و اسباب کی نگرانی کرتی ہیں۔‘‘


شوہر کی رضاجوئی: صحابیات اپنے شوہروں کی رضامندی اور خوشنودی کا نہایت خیال رکھتی تھیں۔ حضرت ۔َحو۔َلاءؓ عطر فروش تھیں، ایک بار حضرت عائشہؓ کی خدمت میں آئیں اور کہا کہ میں ہر رات کو خوشبو لگاتی ہوں، بناؤ سنگار کرکے دلہن بن جاتی ہوں اور خالصۃً لوجہ اللّٰہ اپنے شوہر کے پاس جاکر سو رہتی ہوں، لیکن اس پر بھی وہ متوجہ نہیں ہوتے اور منہ پھیر لیتے ہیں، پھر ان کو متوجہ کرتی ہوں اور وہ اعراض کرتے ہیں۔ رسول اللہﷺ آئے تو آپ سے بھی اس کا ذکر کیا۔ آپ نے فرمایا: جاؤ اپنے شوہر کی اطاعت کرتی رہو۔5 
ایک روز آپ نے حضرت عائشہؓ کے ہاتھ میں چاندی کے چھلے دیکھے تو فرمایا: عائشہ! یہ کیا ہے؟ بولیں: میں نے اس کو اس لیے بنایا ہے کہ آپ کے لیے بناؤ سنگار کروں۔1 
ایک صحابیہ آپ کی خدمت میں حاضر ہوئیں، ان کے ہاتھ میں سونے کے کنگن تھے، آپ نے ان کو پہننے سے منع کیا، بولیں: ’’اگر عورت شوہر کے لیے بناؤ سنگار نہ کرے تو اس کی نگاہوں سے گرجائے گی2۔‘‘