Deobandi Books

نام و نسب: نام معلوم نہیں، اُمّ حرام کنیت تھی، قبیلہ خزرج کے خاندان بنو نجا۔ّر سے تھیں۔ سلسلۂ نسب یہ ہے: اُمّ حرام بنت ملحان بن خالد بن زید بن حرام بن ۔ُجندب بن عامر بن غنم بن عدی بن مالک بن نجا۔ّر ۔ والدہ کا نام ملیکہ تھا جو مالک بن عدی بن زید بن منات بن عدی بن عمرو بن مالک بن نجا۔ّر کی دختر تھیں۔ اس بنا پر اُمّ حرامؓ حضرت اُمّ ۔ُسلیمؓ کی بہن اور حضرت انسؓ کی خالہ ہوتی ہیں۔ آنحضرتﷺ سے بھی ان کا یہی رشتہ تھا۔ 


نکاح: عمرو بن قیس انصاری ؓ سے ہوا۔ لیکن جب انہوں نے اُحد میں شہادت پائی تو حضرت عبادہ بن صامت ؓ کے عقدِ نکاح میں آئیں جو بڑے رتبہ کے صحابی تھے۔1


عام حالات اور وفات: آنحضرتﷺ جب کبھی قبا کی طرف تشریف لے جاتے تو حضرت اُمّ حرامؓ کے گھر آتے اور کھانا نوش فرماتے تھے2۔ حجۃ الوداع  کے بعد ایک روز آپ تشریف لائے اور کھانا کھا کر آرام فرمایا تو حضرت اُمّ حرامؓ نے جوئیں دیکھنا شروع کیا، آپ کو نیند آگئی لیکن تھوڑی دیر کے بعد مسکراتے ہوئے اُٹھے اور فرمایا: میں نے ایک خواب دیکھا ہے اور وہ یہ کہ ’’میری اُ۔ّمت کے کچھ لوگ سمندر میں غزوہ کے ارادہ سے سوار ہیں۔‘‘ حضرت اُمّ حرامؓ نے کہا: ’’یارسول اللہ! دعا کیجیے کہ میں بھی ان میں شامل ہوں۔‘‘ آپ نے دعا کی اور پھر آرام فرمایا، کچھ دیر کے بعد پھر مسکراتے ہوئے اُٹھے اور اسی خواب کا اعادہ کیا، حضرت اُمّ حرامؓ نے پھر اپنی شرکت کے لیے دعا کی درخواست کی، فرمایا: ’’تم پہلی جماعت کے ساتھ ہو،‘‘ اس خواب کی تعبیر ۲۸ ہجری میں پوری ہوئی۔
حضرت امیر معاویہؓ حضرت عمرؓ کی طرف سے شام کے حاکم تھے، انہوں نے متعد۔ّد بار جزائر پر حملہ کرنے کی خواہش ظاہر کی لیکن حضرت عمرؓ نے اجازت نہیں دی۔ حضرت عثمانؓ کے زمانۂ خلافت میں انہوں نے اپنا ارادہ ظاہر کیا تو اجازت ملی، انہوں نے جزیرہ قبرس (سائپرس) پر حملہ کرنے کیلئے ایک بیڑا تیار کیا۔ اس حملہ میں بہت سے صحابہؓ شریک تھے: حضرت ابو ذر، حضرت ابو الد۔ّرداء، حضرت عبادہ بن صامت، حضرت اُمّ حرام ؓ بھی ان ہی میں داخل تھیں۔1  بیڑا حمص  کے ساحل سے روانہ ہوا اور ۔ُقبرس فتح ہوگیا، واپسی میں حضرت اُمّ حرامؓ سواری پر چڑھ رہی تھیں کہ نیچے گریں اور جاں بحق تسلیم ہوئی، لوگوں نے ان کو وہیں دفن کردیا۔2