Deobandi Books

نے متصل روزہ رکھنے کا التزام کرلیا، ان کے ساتھ ان کے خادم اور بی بی نے بھی اس عملِ صالح میں شرکت کی اور روزہ ان کے گھر کی امتیازی علامت ہوگئی، اگر کسی دن ان کے گھر میں دھواں اُٹھتا تو لوگ سمجھتے کہ آج ان کے گھر میں کوئی مہمان آیا ہے ورنہ اس گھر میں دن کا کھانا کیوں کر پک سکتا ہے۔1


نفل روزے رکھنا: بعض صحابیہؓ نفل کے روزے رکھتی تھیں جس سے ان کے شوہر کو تکلیف ہوتی تھی، انہوں نے روکا تو سخت ناگوار ہوا اور رسول اللہﷺ کی خدمت میں جاکر شکایت کی، لیکن آپ نے حکم دیا کہ عورت شوہر کی اجازت کے بغیر نفل کا روزہ نہیں رکھ سکتی۔2 


۔ُمردوں کی جانب سے روزہ رکھنا: صحابیاتؓ نہ صرف اپنی طرف سے بلکہ اپنے ۔ُمردوں کی جانب سے بھی روزے رکھتی تھیں۔ ایک صحابیہؓ نے رسول اللہﷺ سے کہا کہ میری ماں کا انتقال ہوگیا ہے اور اس پر روزے فرض تھے، کیا میں ان کو پورا کردوں؟ آپ نے ان کو اجازت دیدی۔3


اعتکاف: صحابیات کو اعتکاف کا اس قدر شوق تھا کہ ایک بار رسول اللہﷺ نے اعتکاف کے لیے خیمہ نصب کرنے کا حکم دیا تو حضرت عائشہؓ نے اپنا خیمہ الگ نصب کروایا، ان کی دیکھا دیکھی تمام ازواجِ مطہر۔ّات ؓ نے بھی خیمے نصب کروائے۔4
ابواب الحج
حج: فرائض اسلام میں اگرچہ حج صرف ایک بار فرض ہے لیکن صحابیاتؓ کو ایک بار کے حج سے کیا تسکین ہوسکتی تھی؟ اس لیے تقریباً ہر سال فریضۂ حج ادا کرتی تھیں۔ ایک بار حضرت عائشہؓ نے رسول اللہﷺ سے جہاد کی اجازت چاہی تو آپ نے فرمایا: ’’بہترین جہاد حجِ مبرور ہے۔‘‘ اس کے بعد سے ان کا کوئی سال حج سے خالی نہ گیا۔1
صحابیاتؓ جس ذوق و شوق سے حج ادا کرتی تھیں اس کا مؤثر منظر ۔َحجۃ۔ُ الوِداع میں دنیا کو نظر آیا، رسول اللہﷺ نے اعلانِ حج کیا تو حضرت اسماء بنت عمیسؓ اگرچہ حاملہ تھیں لیکن وہ بھی روانہ ہوئیں۔