Deobandi Books

اولاد کی خود کفیل ہوئیں۔ ایک دن کہنے لگیں کہ تم نے اور تمہاری اولاد نے مجھ کو صدقہ و خیرات سے روک رکھا ہے، جو کچھ کماتی ہوں تم کو کھلادیتی ہوں، بھلا اس میں میرا کیا فائدہ؟ حضرت ابن مسعودؓ نے جواب دیا: تم اپنے فائدہ کی صورت نکال لو، مجھ کو تمہارا نقصان منظور نہیں۔ حضرت زینبؓ آنحضرتﷺ کے پاس پہنچیں اور عرض کی کہ میں دست کار ہوں اور جو کچھ اس سے پیدا کرتی ہوں شوہر اور بال بچوں پر صرف ہوجاتا ہے کیونکہ میرے شوہر کا کوئی ذریعۂ معاش نہیں ہے اس بنا پر میں محتاجوں کو صدقہ نہیں دے سکتی، اس حالت میں کیا مجھ کو کچھ ثواب ملتا ہے؟ آنحضرتﷺ نے فرمایا: ہاں! تم کو ان کی خبر گیری کرنا چاہیے۔2


عام حالات: حضرت زینبؓ کے حالات بہت کم معلوم ہیں، سالِ وفات کا بھی یہی حال ہے۔


اولاد: ابوعبیدہ ؒ جو اپنے زمانہ کے مشہور محد۔ّث گزرے ہیں حضرت زینبؓ کے نورِ نظر تھے۔


فضل و کمال: آنحضرتﷺ کی حضرت عمر اور ابن مسعودؓ سے چند حدیثیں روایت کیں، راویوں میں حسب ذیل اصحاب ہیں: ابوعبیدہ، عمرو بن حارث بن ابی ضرار، بسر بن سعید، عبید بن سباق، کلثوم، محمد بن عمروبن حارثؓ۔


اخلاق: بارگاہِ نبوّت میں ان کو مخصوص درجہ حاصل تھا۔ اکثر آپ کے مکان میں آتی جاتی تھیں۔ ایک دن وہ آپ کے سر کی جوئیں دیکھ رہی تھیں، مہاجرین کی اور عورتیں بھی بیٹھی ہوئی تھیں، ایک مسئلہ پیش ہوا تو انہوں نے اپنے کام چھوڑ کر بولنا شروع کیا، آنحضرتﷺ نے فرمایا تم آنکھ سے نہیں بولتی ہو، کام بھی کرو اور گفتگو بھی۔1