Deobandi Books

تمام صحابیاتؓ شامل ہیں مثلاً: ایک بار رسول اللہﷺ نے حضرت اُمّ ہانیؓ سے نکاح کی خواہش کی تو انہوں نے یہ معذرت کی کہ میرا سن زیادہ ہوگیا اور میرے لڑکے ہیں۔جن کی پرورش میرے لیے ضروری ہے اس موقع پر آپ نے عموماً قریشی عورتوں کی یہ فضیلت بیان کی:
خَیْرُ نِسَائٍ رَکِبْنَ الاِبِلَ نِسَائُ قُرَیْشٍ اَحْنَاہ عَلَی وَلَدٍ فِیْ صِغَرِہٖ وَارْعَاھُ علی زوجٍ فی ذاتِ یَدِہٖ۔3 
’’شتر سوار عورتوں میں سب سے بہتر قریش کی عورتیں ہیں، بچپن میں اپنے بچے سے محبت رکھتی ہیں اور اپنے شوہر کے مال کی بہت زیادہ حفاظت کرتی ہیں۔‘‘
انصار کا قبیلہ اسلام میں ایک خاص درجۂ فضیلت رکھتا ہے اور اس قبیلہ کے مرد اور عورت دونوں رسول اللہﷺ کو یکساں محبوب تھے۔ چنانچہ حضرت انس بن مالکؓ سے مروی ہے کہ ایک بار انصار کی عورتیں اور انصار کے لڑکے ایک شادی کی تقریب سے واپس آرہے تھے۔ آپ نے ان کو دیکھا تو کھڑے ہوگئے اور تین بار فرمایا کہ ’’تم لوگ میرے نزدیک تمام لوگوں سے زیادہ محبوب ہو4۔‘‘ 
دوسری روایت میں ہے کہ ایک انصاریہ صحابیہ اپنے بچے کو ساتھ لے کر آئیں اور آپ نے ان سے گفتگو فرمائی اور اسی سلسلہ میں دوبارہ فرمایا کہ ’’اس ذات کی قسم جس کے ہاتھ میں میری جان ہے، تم تمام لوگوں میں مجھے سب سے زیادہ محبوب ہو1۔‘‘ 
ان فضائل کی بنیاد پر رسول اللہﷺ کے وصال کے بعد خلفائے راشدینؓ نے بھی صحابیات کی قدر و منزلت کو قائم رکھا، چناںچہ صحیح مسلم میں ہے کہ رسول اللہﷺ حضرت اُمّ ایمنؓ کی ملاقات کو تشریف لے جایا کرتے تھے، آپ کی وفات کے بعد حضرت ابوبکرؓ نے حضرت عمرؓ سے فرمایا کہ آؤ چلیں، جس طرح رسول اللہﷺ ان کی ملاقات کو جایا کرتے تھے اسی طرح ہم بھی ان کی ملاقات کر آئیں۔ چنانچہ جب ان کے پاس پہنچے تو وہ روپڑیں، ان لوگوں نے کہا کیوں روتی ہو؟ خدا کے پاس رسول اللہﷺ کا جو درجہ ہے وہ نہایت بہتر ہے۔ بولیں: میں اس لیے نہیں روتی کہ میں اس سے ناواقف ہوں بلکہ اس لیے روتی ہوں کہ وحی کا آسمانی سلسلہ ٹوٹ گیا، اس پر یہ دونوں بزرگ بھی رو پڑے۔2 
عام صحابیاتؓ کے علاوہ ازواجِ مطہر۔ّات ؓکو جو عزّت حاصل تھی، عورتوں کی تاریخ میں اس کی نظیر نہیں مل سکتی۔ جب رسول اللہﷺ کی ایک حرم محترم کا انتقال ہوا تو حضرت عبداللہ بن عباس ؓ سجدے میں گر پڑے۔ لوگوں نے کہا کہ آپ اس وقت سجدہ کرتے ہیں؟ بولے: جب قیامت کی کوئی نشانی دیکھو تو سجدہ کرلیا کرو، پھر ازواجِ مطہر۔ّات ؓ کی موت سے بڑھ کر قیامت کی کون سی نشانی ہوگی۔3 
مقام سرف میں حضرت میمونہؓ نے وفات پائی تو حضرت عبداللہ بن عباسؓبھی ساتھ تھے، بولے کہ یہ میمونہ ہیں، ان کا جنازہ اُٹھاؤ تو مطلقاً حرکت و جنبش نہ دو4۔‘‘ 
بعض صحابہؓ عزّت و محبت کی وجہ سے ازواجِ مطہر۔ّات ؓ پر اپنی جائیداد یں وقف کرتے تھے۔ چنانچہ حضرت عبدالرحمن بن عوفؓ نے