Deobandi Books

ہوگئے تھے اس لیے مان گئے اور کہا کھانے کے لیے بہت ہے۔ حضرت اسماءؓ کا بیان ہے کہ میں نے صرف ابو قحافہ کی تسکین کے لیے ایسا کیا تھا ورنہ وہاں ایک دانہ بھی نہ تھا۔2 
آنحضرتﷺ نے مدینہ پہنچ کر مستورات کو بلوایا تو حضرت اسماءؓ بھی آئیں۔  قباء میں قیام کیا، یہاں عبداللہ بن زبیرؓ پیدا ہوئے۔3 ان کو لے کر آنحضرتﷺ کی خدمت میں حاضر ہوئیں، آپ نے عبداللہ کو گود میں لیا، گھٹی دی اور ان کے لیے دعا فرمائی۔4 عبد اللہ بن زبیرؓ جب جوان ہوئے تو حضرت اسماءؓ ان کے پاس رہنے لگیں کیونکہ حضرت زبیرؓ نے ان کو طلاق دیدی تھی۔5 
حضرت عبداللہ بن زبیرؓ نے گھٹی میں آنحضرتﷺ کا لعاب مبارک پیا تھا اس بنا پر جب سن شعور کو پہنچے تو فضائلِ اخلاق کے پیکرِ مجسم تھے۔ ادھر سلطنت بنوامیہ۔ّ کا فرماں روا (یزید) سرتاپافسق و فجور تھا۔ حضرت عبداللہؓ نے اس کی بیعت سے انکار کردیا، مکہ میں پناہ گزین ہوئے اور وہیں سے اپنی خلافت کی صدا بلند کی چونکہ حضرت عبداللہؓ کی عظمت و جلالت کا ہر شخص معترف تھا، اس لیے تمام دنیائے اسلام نے اس صدا پر لبیک کہی اور ملک کا بڑا حصہ ان کے ۔َعلم۔َ کے نیچے آگیا لیکن جب عبدالملک بن مروان تخت نشین ہوا تو اس نے اپنی حکمت عملی سے بعض صوبوں پر قبضہ کرلیا اور حضرت عبداللہ بن زبیرؓ کے مقابلہ کی تیاریاں کیں، شامی لشکر نے خانۂ کعبہ کا محاصرہ کیا تو ابن زبیرؓ حضرت اسماءؓ کے پاس آئے، وہ بیمار تھیںپوچھا: ’’کیا حال ہے؟‘‘ بولیں: ’’بیمار ہوں۔‘‘ کہا: ’’آدمی کو موت کے بعد آرام ملتا ہے۔‘‘ حضرت اسماءؓ نے کہا: ’’شاید تم کو میرے مرنے کی تمنا ہے؟ لیکن میں ابھی مرنا پسند نہیں کرتی، میری آرزو یہ ہے کہ تم لڑکر قتل ہو اور میں صبر کروں، یا تم کامیاب ہو اور میری آنکھیں ٹھنڈی ہوں۔‘‘ ابن زبیرؓ ہنس کر چلے گئے، شہادت کا وقت آیا تو دوبارہ ماں کی خدمت میں آئے وہ مسجد میں بیٹھی تھیں، صلح کے متعلق مشورہ کیا، بولیں: ’’بیٹا! قتل کے خوف سے ذلت آمیز صلح بہتر نہیں، کیونکہ عزّت کے ساتھ تلوار مارنا ذلت کے ساتھ کوڑا مارنے سے بہتر ہے۔‘‘ حضرت ابن زبیرؓ نے اس پر عمل کیا اور لڑکر مردانہ وار شہادت حاصل کی۔ حجاّج نے ان کی لاش کو سولی پر لٹکا دیا، تین دن گزرنے پر حضرت اسماءؓ کنیز کو ساتھ لے کر اپنے بیٹے کی لاش پر آئیں، لاش الٹی لٹکی تھی دل تھام کر اس منظر کو دیکھا اور نہایت استقلال سے کہا: ’’کیا اس سوار کے گھوڑے سے اترنے کا ابھی وقت نہیں آیا1۔‘‘  
حجاّج کو چھیڑ منظور تھی آدمی بھیجا کہ ان کو جاکر لائے، حضرت اسماءؓ نے انکار کیا، اس نے پھر آدمی بھیجا کہ ’’ابھی خیریت ہے، ورنہ آئندہ جو شخص بھیجا جائے گا وہ بال پکڑ کر گھسیٹ لائے گا۔‘‘ حضرت اسماءؓ صرف خدا کی شانِ جبا۔ّری کی معترف تھیں جواب دیا میں نہیں جاسکتی۔حجاّج نے مجبوراً خود جوتا پہنا اور حضرت اسماءؓ کی خدمت میں آیا اور حسب ذیل گفتگو ہوئی:
حجاّج نے کہا: ’’کہیے! میں نے دشمنِ خدا (ابن زبیرؓ) کے ساتھ کیا سلوک کیا؟‘‘ 
حضرت اسماءؓ بولیں: ’’تونے ان کی دنیا بگاڑی اور انہوں نے تیری عاقبت خراب کی! میں نے سنا ہے کہ تو ان کو طنزاً ذات النطاقین کا