ماہنامہ انوار مدینہ لاہور جولائی 2016 |
اكستان |
 |
کا شکریہ اَدا کیجئے ( وَاِذْ تَاَذَّنَ رَبُّکُمْ لَئِنْ شَکَرْتُمْ لَاَزِیْدَنَّکُمْ) یہ اعلان کیا گیا کہ اگر ہماری نعمتوں کا شکریہ اَدا کرو گے تو میں تم پر اپنی نعمتیں زیادہ کرتا رہوں گا۔ بڑی غفلت کی بات ہے کہ ہم اُ س کو اور اُس کے اِحسانات کو بھولے ہوئے ہیں، ہمارا ہمیشہ اُس کو یاد کرنا اور اِحسان ماننا اور اُس کا ذکر کرنا بہت اہم فریضہ ہے۔ ایک خاص عمل : اِسی وجہ سے بعضے بزرگوں نے یہ طریقہ مقرر کیا کہ روزانہ کسی وقت بہتر ہے کہ عشاء کے بعد اِنسان پہلے اللہ کے دیے ہوئے تمام اِنعامات کو یاد کرے کہ اے اللہ تو نے مجھے یہ دیا یہ دیا پھر اپنے تمام گناہوں کو یاد کرے اور اُس پر اِظہارِ شر مندگی کرے اور معافی مانگے۔ حضرت عبد اللہ ابن عمر فرماتے ہیں کہ ہم نے حضور ۖ کو ایک ایک مجلس میں سو سو مرتبہ اِستغفار کرتے سنا، رسول اللہ ۖ فرماتے ہیں کہ میرے قلب میں زنگ لگ جاتا ہے تو میں سو مرتبہ اِستغفار کرتا ہوں، تو جب یہ حال نبی کے قلب کا ہے تو ہمارے اور تمہارے دلوں کا کیا حال ہوگا ہماری بداَعمالیوں کی وجہ سے کتنازنگ لگتاہوگا۔ تو میرے بھائیو ! اللہ کی نعمتوں کو یاد کرو اور اُن کا شکریہ اَدا کرو، اُس کی اِطاعت میں کوتاہی مت کرو، اِستغفار برابر کرتے رہو اور اُس سے ڈرتے رہو اللہ تعالیٰ نے خود فرمایا ہے (یٰاَیُّھَا الَّذِیْنَ اٰمَنُوا اذْکُرُوْا نِعْمَةَ اللّٰہِ عَلَیْکُمْ)اللہ نے تمام اِنسانوں کو حکم دیا کہ میری نعمتوں کو یاد کرو، ہم سب قرآن پڑھتے ہیں مگر اُس کا حق اَدا نہیں کرتے یہ ہماری اِنتہا درجہ کی نا لا ئقی اور غفلت ہے، ہم سب کو چاہیے کہ جو کچھ پڑھا اور لکھا ہے اُس پر عمل بھی ہو اور ہم میں جتنے لوگ ہیں خواہ اُن میں کوئی چھوٹا ہو یا بڑا، اَمیر ہو یا غریب، بادشاہ ہو یا فقیر، سب اُس کا شکر اَدا کریں کیونکہ ہمارے اَندر جو کچھ بھی ہے وہ سب خدا کا ہے اپنا کچھ نہیں تو پھر جب سب کچھ اُسی کا ہے توہمیشہ ہمیشہ اُس کا شکر اَدا کرتے رہنا چاہیے، اللہ کے ذکر اور اُس کی یاد سے غفلت مت کیجئے آپ جتنا اُس کو یاد کریں گے اُتناہی وہ اپنی نعمتیں زیادہ کرے گا۔ سب سے پہلی بات یہ بہت ہی مختصر طریقہ پر ہے اگر تفصیل کے ساتھ بیان کی جائے تو کئی ہفتے چاہئیں۔