ماہنامہ انوار مدینہ لاہور جولائی 2016 |
اكستان |
|
پروفیسر عقیل احمد صدیقی گلہائے عقیدت دل نے پیا جب جامِ محمد آیا زبان پر نام محمد اُونچا ہے سب سے نامِ محمد صلی اللہ علیہ وسلم عشقِ نبی کا آیا موسم دل سے مٹے دُنیا کے سبھی غم ہادیٔ برحق رحمتِ عالم صلی اللہ علیہ وسلم آپ ہیں ایسے رہبرِ کامل پھیلایا حق اور مٹ گیا باطل کشتہ جان کو مل گیا ساحل صلی اللہ علیہ وسلم حق نے اُتارا آپ پہ قرآں معدنِ حکمت نور کا عرفاں آپ ہی شافع آپ ہی فرقاں صلی اللہ علیہ وسلم آپ ہی نبیو ں کے خاتم سب پہ اِطاعت آپ کی لازم بحرِ کرم کے آپ ہیں حاکم صلی اللہ علیہ وسلم آپ ہیں جہل و کفر کے دُشمن علم و فضل کے آپ ہیں مخزن حق کا اُجالا گلشن گلشن صلی اللہ علیہ وسلم جہد و عمل میں آپ ہیں ساعی علم و عمل کے آپ ہیں داعی اُمتِ مسلم کے ہیں راعی صلی اللہ علیہ وسلم حق نے کہا یہ ''آپ بشر ہیں'' جن و ملائک سے برتر ہیں بعدِ خدا سب سے بہتر ہیں صلی اللہ علیہ وسلم میں نہیں عزت و جاہ کا طالب نورِ ہدایت کا میں جالب وردِ زباں رہتا ہے غالب صلی اللہ علیہ وسلم روزِ جزا سے مت ہو غافل کون عقیل اور کیسا عاقل پائے اَماں اِس وِرد سے کامل صلی اللہ علیہ وسلم