ماہنامہ انوار مدینہ لاہور جولائی 2016 |
اكستان |
 |
خوش آئندلمحات خدا کرے ثابت قدمی رہے ( جناب مولانا قاری تنویر اَحمد صاحب شریفی، کراچی ) یہ بات اَظہر من ا لشمس ہے کہ اہلِ سنت والجماعت دیو بند مکتبہ فکر ہمیشہ رواداری اور اِحترامِ مسالک پر عمل پیرا رہی ہے اور اب بھی یہی راہ رکھتی ہے ،دیو بند مکتبہ فکر کا معاصر بریلوی مکتبہ فکر کی طرف سے اوراُن کے بانی کی طرف سے فرقہ وارانہ پہل ہوئی ہے اِس پر ہمارے بزرگوں نے دفاعی پہلو کو اِختیار کیا ہے۔ شیخ الاسلام حضرت مولانا سیّد حسین احمد مدنی نور اللہ مرقدہ کی کاوِش ''اَلشِّہَابُ الثَّاقِبْ'' اور مناظر اِسلام حضرت مولانا سیّد مرتضیٰ حسن چاند پوری رحمة اللہ علیہ کے رسائل اِس کے گواہ ہیں۔ بریلوی مکتبہ فکر کے بانی جناب مولانا احمد رضا خان صاحب بریلوی نہایت متشدد واقع ہوئے ہیں اِس کا اِعتراف بعض بریلوی بزرگوں اور اہلِ قلم کو بھی ہے جس کے اِظہار کا یہ موقع نہیں ہے۔ مسلمانوں کے لیے نہایت خوشی کا مقام ہے کہ اَعلیٰ سطح پر بریلوی مکتبہ فکر کے رہنما بلکہ یہ نہایت واضح ہو گا کہ بریلوی مکتبہ فکر کے بانی جناب مولانا احمد رضا خان صاحب بریلوی کی اولاد میں سے مولانا توقیر رضا خان صاحب نے دارُ العلوم دیو بندکا دورہ کیا مولانا تو قیر رضا خان صاحب مولانا احمد رضا خان صاحب کے سگڑ پوتے ہیں اِن کا سلسلہ نسب اِس طرح ہے : مولانا توقیر رضا خان اِبن مولانا ریحان رضا خان عرف ریحان میاں اِبن مولانا اِبراہیم رضا خان عرف جیلانی میاں اِبن مولانا حامد رضا خان اِبن مولانا احمد رضا خان صاحب۔ مر شدی حضرت مولانا سیّد اَرشد صاحب مدنی مد ظلہم (اُستاذ الحدیث دارُ العلوم دیو بند اور صدر جمعیة علمائے ہند) کواللہ تعالیٰ نے مر جع خلائق بنا یا ہے آپ ہندوستان میں اِس وقت مسلمانوں (بلا تفریق ِمسلک) اور دیگر اَقلیتوں کے لیے بہت بڑی ڈھارس ہیں،بلا کسی جرم کے جو مسلمانوں کو