ماہنامہ انوار مدینہ لاہور جولائی 2016 |
اكستان |
 |
علمی مضامین سلسلہ نمبر١٠ ( قسط :٧،آخری) ''خانقاہِ حامدیہ''نزد جامعہ مدنیہ جدید رائیونڈ روڈ لاہورکی جانب سے محدث ، فقیہ، مؤرخ، مجاہد فی سبیل اللہ،مؤلف کتب کثیرہ شیخ الحدیث حضرت اَقدس مولانا سیّد محمد میاں صاحب رحمة اللہ علیہ کے بعض اہم مضامین جو تاحال طبع نہیں ہوسکے اُنہیں سلسلہ وار شائع کرنے کا اہتمام کیا گیا ہے جبکہ اُن کی نوع بنوع خصوصیات اِس بات کی متقاضی ہیں کہ اِفادۂ عام کی خاطر اُن کو شائع کردیا جائے۔ اِسی سلسلہ میں بعض وہ مضامین بھی شائع کیے جائیں گے جو بعض جرا ئد و اَخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔ (اِدارہ) دورِ حاضر کے سیاسی اور اِقتصادی مسائل اور اِسلامی تعلیمات و اِشارات ( حضرت اَقدس مولاناسیّد محمد میاں صاحب ) فئے : جیسا کہ پہلے گزر چکا ہے مفتوحہ علاقے کی اَراضی کو ''فے'' کہا جاتا ہے اگر اُن اَراضی کو اصل باشندوں کے پاس رہنے دیا جائے اور منافع کے متعلق کوئی معاہدہ ہو جائے تو اُس (خراجی)آمدنی کو بھی فئے کہا جاتا ہے۔ ١ '' اَمَّا الْفَیْئُ فَھُوَالْخَرَاجُ عِنْدَنَا خَرَاجُ الْاَرْضِ'' ٢ ١ کتاب الاموال لابی عبید ص ١٦ ٢ اَبو یوسف کتاب الخراج ص ٢٣