ماہنامہ انوار مدینہ لاہور جون 2014 |
اكستان |
|
آگے ہاتھ نہیں پھیلاتے ہم اپنی اِس رُوکھی سوکھی میں خوش ہیں بلکہ فخر کرتے ہیں اَلبتہ آپ کو بتلانے کا مقصد یہ تھا کہ آپ حضرات جو یہ سمجھتے ہیں کہ شاید اِن مدرسوں کی کوئی خفیہ فنڈنگ ہوتی ہے اَندرون یا بیرون ممالک سے تو ایسا کچھ نہیں، یہ صرف این جی اَوز اور مغربی طاقتوں کا پروپیگنڈہ ہے تاکہ مدارس میں جو تھوڑا بہت دین کا کام ہو رہا ہے وہ بھی بند ہوجائے(اَلبتہ این جی اَوز کو اَندرون و بیرونِ ملک سے ہونے والی خفیہ فنڈنگ کسی پر مخفی نہیں ہے یہ اِقدامات اُن کے خلاف ہونے چاہییں جامعات کے خلاف نہیں ) ۔ پولیس : ہم آپ سے معذرت کرتے ہیں کہ آپ حضرات کی عزت و خود مختاری کے برخلاف ہم یہاں اِس طرح آئے اور آپ حضرات نے ہمارے ساتھ نہایت اچھا روّیہ اور تعاون کا معاملہ کیا اور ہمیں پورے اِدارے کا معائنہ کروایا۔ اَساتذہ : شکریہ ! ہم بھی آپ سے یہ اُمیدرکھتے ہیں کہ کم اَز کم اَب توجامعہ کے بارے میں آپ حضرات کی پوری تسلی ہوجانی چاہیے۔ ہمیں اُمید کرنی چاہیے کہ آئندہ آپ لوگوں کی طرف سے ایسے نامناسب اِقدامات دوبارہ نہ ہوںگے، اِنشاء اللہ۔ اِن تفصیلات کے بعد قارئین خود ہی پس منظر و پیش منظر کو دیکھتے ہوئے بہتر نتائج تک پہنچ سکتے ہیں اِس لیے ہم اپنی طرف سے مزید کسی تبصرہ کی ضرورت محسوس نہیں کرتے ۔