ماہنامہ انوار مدینہ لاہور جون 2014 |
اكستان |
|
سے پشاور کے لیے روانہ ہوئے اور تقریبًا ساڑھے چاربجے حیات آباد میں جناب خالد خان صاحب کی رہائش گاہ پہنچے اور وہیں حسب ِسابق قیام فرمایا۔ ١٩مئی کو صبح ناشتہ کے بعد جامعہ کے طالب علم مولانا دین محمد صاحب کے ساتھ جامعہ علوم القرآن والسنة نمک منڈی میں گیارہ بجے پہنچے جہاں آپ نے علماء و طلباء سے خطاب فرمایا اور فارغ التحصیل طلباء کی دستار بندی بھی فرمائی اور وہیں نمازِ ظہر اَدا کی پھر وہاں سے تین بجے کے بعد خالد صاحب کے ہمراہ اُن کے آبائی گاؤں لنڈیواہ لکی مروت کے لیے روانہ ہوئے اور ساڑھے سات بجے حاجی اَمان اللہ خان صاحب مدظلہم کی رہائش گاہ پہنچے اور وہیں رات کا قیام فرمایا۔ اگلے روز ٢٠ مئی کو صبح ناشتے کے بعد جامعہ مدنیہ جدید کے فضلاء مولانا عبدالستا صاحب اور مولانا عبدالجبار صاحب کی دعوت پر اُن کے مدرسہ منہاج العلوم ڈومیل کے لیے روانہ ہوئے اور گیارہ بجے وہاں پہنچے جہاں حضرت کا پر تپاک اِستقبال کیا گیا یہاںحضرت صاحب نے خطاب فرمایا اورچودہ حفاظ ِکرام کی رُومال پوشی کے بعد اِختتامی دُعا فرمائی۔ یہاں سے فراغت کے بعد جامعہ مدنیہ جدید کے فاضل مولانافرید اللہ صاحب کے اِصرار پر اُن کے گاؤں تل عمر زئی کے لیے اَڑھائی بجے روانہ ہوئے اور ساڑھے تین بجے وہاں پہنچے اور ایک تقریب میں اَمن اور بھائی چارے کے موضوع پر خطاب فرمایا۔ اِس کے بعد تقریبًا چار بجے کے بعد روانہ ہوئے اور پانچ بجے تبلیغی مرکز لکی مروت پہنچے اور وہاں بیان فرمایا اور آخر میں دُعا بھی فرمائی۔ اِس کے بعد جامعہ خالد بن ولید اور جامعہ خدیجہ الکبری کے اَساتذہ کے اِصرار پر مچن خیل تشریف لے گئے اور جامعہ خالد بن ولید میںدونوں مدارس کے لیے دُعا فرمائی اور نمازِ عصر اَدا کی اور پھر اِجازت چاہی اور خوشاب کے لیے روانہ ہوگئے اورتقریبًا رات بارہ بجے قاری سعید اَحمد صاحب دامت برکاتہم کی قیام گاہ پہنچے اور حسب ِسابق وہیں قیام فرمایا۔ اگلے روز٢١مئی کوناشتہ کے بعد تقریبًا دس بجے اِجازت طلب کی اور بھائی رضوان صاحب کے اِصرار پر اُن کے گھر دُعا کے لیے تشریف لے گئے وہاں دُعا فرمائی اور ساڑھے دس بجے واپس لاہور کے لیے روانہ ہوئے ،دوپہر تقریبًا اَڑھائی بجے بخیریت و عافیت جامعہ مدنیہ جدید پہنچ گئے،والحمد للہ۔