ماہنامہ انوار مدینہ لاہور نومبر 2013 |
اكستان |
 |
پر سوار میدانِ جنگ میں آیا اَور کہنے لگا کہ آج ہم عربوں کو کچل ڈالیں گے اُس کے ایک ساتھی نے کہا کہ ''اگر خدا چاہے'' یہ مغرور کہنے لگا ''خدا چاہے یا نہ چاہے'' یہ لفظ اُس کی زبان سے نکلا ہی تھا کہ حضرت منذر بن حسان ضبی نے ایک نیزہ اُس کے پہلو میں مارا اَور وہ زمین پر گر پڑا۔ (٢) عماث والے دِن ایک سوار اِیرانی فوج کا میدانِ جنگ میں بہت لاف و گزاف بکتا ہوا آیا ایک مسلمان دُبلے پتلے پستہ قد اُس کے مقابلے میں گئے ،اِیرانی نے ایک ضرب میںاُن کو گھوڑے سے گرادیا اَور خود گھوڑے سے اُتر کر اُن کے سینے پر بیٹھ گیا قریب تھا کہ اُن کا سر کاٹے کہ گھوڑا اُس کا بھاگا۔ اُس نے گھوڑے کی رسی اَپنی کمر میں باندھ لی تھی نتیجہ ہوا کہ گھوڑے کے ساتھ خود بھی گھسیٹتا ہوا چلا گیا پھر کیا تھا اُس مسلمان نے اُٹھ کر ایک ہی وار میں اُس کو جہنم میں پہنچادیا۔ (٣) اِسی عماث والے دِن جب حضرت عمرو بن معدی کرب رضی اللہ عنہ نے تنہا اِیرانی لشکر پر حملہ کیا اَور نہ معلوم کتنے نامور پہلوانوں کو واصلِ جہنم کیا تو ایک دَم پوری فوج اُن پر ٹوٹ پڑی، اِن کا گھوڑا مارا گیا تو اُنہوں نے ایک اِیرانی سوار کے دوڑتے ہوئے گھوڑے کا پاؤں پکڑ لیا، گھوڑا رُک گیا سوار نے اِس قوت کو دیکھ کر اَپنی جان بچانے کو غنیمت سمجھا اَور فورًا اُتر کر پیدل بھاگ گیا اَور حضرت عمرو بن معدی کرب رضی اللہ عنہ اُسی گھوڑے پر سوار ہوگئے۔ (٤) اغواث والے دِن اَبو محجن ثقفی رضی اللہ عنہ نے جو شراب پینے کے جرم میں محبوس ہوئے تھے حضرت سعد رضی اللہ عنہ کی بیوی سلمیٰ رضی اللہ عنہا سے کہا کہ مجھے قید سے رہا کردو اَور سعد کا اَبلق گھوڑا اَور ہتھیار مجھے دے دو ،آج میرا دِل بھی میدانِ جنگ میں جانے کے لیے بے قرار ہے اَور اَگر میں زندہ رہا تو پھر اِسی طرح اَپنے کو قیدا کرادُوں گا۔ سلمیٰ رضی اللہ عنہا نے منظور کرلیا۔ اَبو محجن نے میدانِ جنگ میں وہ کام کیا کہ ساری فوج کی نظر اُن ہی کی طرف ہو گئی سینکڑوں اِیرانی بہادروں کو اُنہوں نے واصلِ جہنم کیا۔ اُس وقت مسلمان یہ خیال کر رہے تھے کہ کوئی فرشتہ ہماری مدد کے لیے بھیجا گیا ہے دُوسرے دِن حضرت سعد رضی اللہ عنہ نے جب یہ ماجرا سنا تو بہت خوش ہوئے اَور اَبو محجن کو بلا کر فرمایا کہ میں نے تم کو رہا کردیا اَور اَب کبھی تم کو شراب پینے پر سزا نہیں دی جائے گی ۔اُنہوں نے کہا کہ