ماہنامہ انوار مدینہ لاہور جولائی 2013 |
اكستان |
 |
مسئلہ : جس عضو کو زندگی میں دیکھنا جائز نہیں موت کے بعد بھی اُس کا دیکھنا جائز نہیں اَور اِسی طرح بدن سے جدا ہونے کے بعد بھی جائز نہیں، اِسی طرح زیرِ ناف بالوں کو یا عورت کے سر کے بالوں کو اُترنے یا ٹوٹنے کے بعد دیکھنا جائز نہیں۔ اِس سے معلوم ہوا کہ عورتیں جو کنگھی کر کے بالوں کو ویسے ہی پھینک دیتی ہیں جو عام طور پر سب کی نگاہ سے گزرتے ہیں ،یہ جائز نہیں۔ مسئلہ : ہیجڑا یا خواجہ سرا یا عِنین (نامرد) سب کا حکم نامحرم مرد کی طرح ہے۔ اِسی کی سی اِحتیاط اِن سے لازم ہے۔ مسئلہ : اَمرد یعنی بے داڑھی (خوبصورت) لڑکابعض اَحکام میں اَجنبی عورت کی طرح ہے یعنی شہوت کے اَندیشہ کے وقت اُس کی طرف دیکھنا اُس سے مصافحہ کرنا یا معانقہ کرنا، اُس کے پاس تنہائی میں بیٹھنا، اُس کا گانا سننا یا اُس کے موجود ہوتے ہوئے گانا سننا ، اُس سے بدن دبوانا ،اُس سے بہت پیار اَور اِخلاص کی باتیں کرنا، یہ سب حرام ہے۔ مسئلہ : عورتوں کو پردہ کی وجہ سے سفر میں نماز قضا کرنا جائز نہیں۔ اَور نہ بیل گاڑی میں بیٹھے بیٹھے نماز پڑھنا درست ہے بلکہ چادر یا برقع پہن کر نیچے اُتر کر کھڑے ہو کر نماز پڑھنا واجب ہے برقع کا پردہ ایسے وقت کافی ہے۔ مسئلہ : سفر میں اگر کوئی محرم مرد ساتھ نہ ہو تو عورت کو سفر کرنا حرام ہے۔ مسئلہ : عورت کو مساجد یا مقابر (مسجد و قبرستان) جانا مکروہ ہے اَلبتہ بہت بوڑھی عورت کا مسجد میں حاضر ہونا جائز ہے۔ (اِصلاح الرسوم ص ٩٨ تا ١٠٣) ۔(جاری ہے)