ماہنامہ انوار مدینہ لاہور مئی 2013 |
اكستان |
 |
شیخ الحدیث مولانا سلیم اللہ خان ،مولانا مفتی محمد رفیع عثمانی اَور مولانا ڈاکٹر عبدالرزاق سکندر کی طرف سےالیکشن کے حوالے سے پاکستان کے علماء ِکرام اَور عوام الناس سے اَپیل السلام علیکم ورحمة اللہ وبرکاتہ ! گذارش ہے کہ آنے والے اِنتخابات میں مذہبی جماعتوں میں عدم اِشتراک بلکہ بہت سے حلقوں میں باہمی محاذ آرائی کی جو کیفیت نظر آرہی ہے وہ اِنتہائی پریشان کن ہے اَور ملک کے مستقبل کے حوالے سے تشویش ناک ہے۔ عالمی اَور ملکی سیکولر حلقے پاکستان کے اِسلامی تشخص کو مجروح کرنے،دستور و قانون کی اِسلامی دفعات کو غیر مؤثر بنانے اَور سیکولر اَیجنڈے کو مسلط کرنے کے لیے جس طرح سرگرم عمل ہیں اُس کا تقاضا ہے کہ متفقہ لائحہ عمل اِختیار کریں اَور خاص طور پر الیکشن کے موقع پر سیکولر قوتوں کا مِل جل کر مقابلہ کریں۔ اِس لیے ملک بھر میں سنجیدہ علمائِ کرام اَور دینی اِداروں سے ہم اپیل کرتے ہیں کہ وہ فوری طور پر ضلعی سطح پرمِل بیٹھ کر اپنے اپنے ضلع کی صورتِ حال کا جائزہ لیں اَور کوشش کریں کہ اِنتخابات میں حصہ لینے والے دینی جماعتوں کے اُمیدواروں میں باہم تعاون و اِشتراک کی فضاء قائم ہو اَور جہاں بھی مذہبی جماعتوں کے اُمیدوار ایک دُوسرے کے مقابلے میں کھڑے ہیں اُن میں مفاہمت کا کردار اَدا کر کے کسی ایک اُمیدوار پر اِتفاق کرایا جائے۔وقت بہت کم ہے اِس لیے اِس کام کو ضلعی سطح پر اَور چند روز کے اَندر کرنے کی کوشش کی جائے اَور جہاں اِنتہائی ضرورت ہو وہاں اَکابر سے رابطہ کر کے اُن سے تعاون اَور رہنمائی کی دَرخواست کی جائے۔ اُمید ہے کہ اِس مکتوب کو پڑھنے والے سب حضرات اِس سلسلے میں اپنی ذمہ داری محسوس کرتے ہوئے ہر ممکن کردار اَدا کرنے کی کوشش کریں گے اَور اِس مکتوب کو زیادہ سے زیادہ پھیلانے کی محنت کریں گے۔