ماہنامہ انوار مدینہ لاہور مئی 2013 |
اكستان |
حقیقت یہ ہے کہ صحابہ کرام رضی اللہ عنہم ، تابعین رحمہم اللہ اَورتبع تابعین رحمہم اللہ دین کو سب سے زیادہ جاننے والے دین کو خوب سمجھنے والے اَوردین پر مکمل طورپر عمل کرنے والے تھے ۔اَب اگر کوئی شخص یہ کہے کہ میں اُن سے زیادہ دین کو جانتا ہوں یا اُن سے زیادہ دین کا ذوق رکھتا ہوں یا اُن سے زیادہ عبادت گزارہوں تو حقیقت میں وہ شخص پاگل ہے، وہ دین کی فہم نہیں رکھتا ۔ لہٰذا اِس رات میں عبادت کے لیے خاص اہتمام کرنا بدعت ہے ۔ یوں تو ہر رات میں اللہ تعالیٰ جس عبادت کی توفیق دے دیں وہ بہتر ہی بہتر ہے۔ لہٰذا آج کی رات بھی جاگ لیں، کل کی رات بھی جاگ لیں، اسی طرح ستائیسویں رات کو بھی جاگ لیں لیکن اِس رات میں اَوردُوسری راتوں میں کوئی فرق اَورکوئی نمایاں اِمیتاز نہیں ہونا چاہیے ۔ (اِصلاحی خطبات ج ١ ص ٥١ و ٥٢) وفیات گذشتہ ماہ کریم پارک کے جناب سلطان صاحب کی اہلیہ طویل علالت کے بعد وفات پاگئیں۔ ٢٢اپریل کومدرسہ فاروقِ اعظم کنگن پور ضلع قصور کے مہتمم قاری محمد اَشرف صاحب حامد کے جواں سال صاحبزادے حافظ محمدکفایت اللہ صاحب طویل علالت کے بعد وفات پاگئے۔ اِنَّا لِلّٰہِ وَاِنَّا اِلَیْہِ رَاجِعُوْنَ اللہ تعالیٰ جملہ مرحومین کی مغفرت فر ماکر جنت الفردوس میں اَعلیٰ مقام نصیب فرمائے اَور لواحقین کو صبرِ جمیل کی توفیق نصیب ہو۔ جامعہ مدنیہ جدید اَور خانقاہِ حامدیہ میں جملہ مرحومین کے لیے اِیصالِ ثواب اَور دُعائے مغفرت کرائی گئی اللہ تعالیٰ قبول فرمائے ،آمین۔