ماہنامہ انوار مدینہ لاہور مئی 2013 |
اكستان |
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٢ اپریل کو شیخ الحدیث حضرت مولانا سیّد محمود میاں صاحب جامعہ کے فاضل مولانا عقیل صاحب کی دعوت پر حفظِ قرآن کے اِختتامی پرو گرام میں شرکت کے لیے سید پور تشریف لے گئے جہاں آپ نے بچوں میں حفظ قرآن کے اِنعامات تقسیم فرمائے اَور قرآنِ مجید کی اہمیت اَور فضیلت پر بیان فرمایا، بعد اَزاں چند منٹ کے لیے حضرت، شہید مولانا سعید صاحب کے گھر تشریف لے گئے۔ ١٣ اپریل بروز ہفتہ شیخ الحدیث حضرت مولانا سیّد محمود میاں صاحب مولانا محسن گلزار صاحب کی دعوت پر مدرسہ کی اِفتتاحی تقریب میں گجو متہ تشریف لے گئے جہاں آپ نے علم ِ دین کی اہمیت و فضیلت پر تقریر فرمائی، بعداَزاںآپ ختم ِ نبوت کی دعوت پر ٹاؤن شپ تشریف لے گئے جہاں آپ نے تحفظ ختم ِ نبوت اَور ردِّ قادیانیت کورس کے شرکاء سے بیان فرمایا۔ ١٧ اپریل کوشیخ الحدیث حضرت مولانا سیّد محمود میاں صاحب بھائی محمد اِقبال صاحب کی خصوصی دعوت پر سیرت کے جلسہ میں شرکت کے لیے اَوکاڑہ کے مضافات میں تشریف لے گئے جہاں آپ نے سیرت کے موضوع پر بیان فرمایا،قبل اَزیں جامعہ مدنیہ جدید کے شعبۂ بر قیات کے مُشرِف مولانا شاہد صاحب کی خواہش پر اُن کے گاؤں تشریف لے گئے جہاںآپ نے اہلِ علاقہ سے علماء کی عظمت اَور علم کی اہمیت پر مختصر بیان فرمایا۔ ٢١ اپریل کو شیخ الحدیث حضرت مولانا سیّد محمود میاں صاحب مجلس یاد گار ِشیخ الاسلام پاکستان لاہور کے زیر اہتمام ہونے والے دُوسرے شیخ الاسلام سیمینار میں شرکت کی غرض ہمدرد ہال لاہور تشریف لے گئے جہاں آپ نے'' حضرت مدنی کی سیاسی خدمات ''کے موضوع پر بیان فرمایا۔ ٢٢ اپریل کو حضرت اَقدس مولانا ڈاکٹر مفتی محمدعبدالحلیم صاحب چشتی دامت برکاتہم جامعہ جدید تشریف لائے اَور طلباء سے خطاب فرمایا۔