ماہنامہ انوار مدینہ لاہور جنوری 2013 |
اكستان |
 |
اے محمد کریم ۖ سے محبت اَور وفا کے دعویدار وں ! ہمارے آباؤ اَجداد نے قادیانیت کے خلاف بڑی سخت جنگ لڑی، ہزاروں جوانوں نے اَپنی جوانیاں قربان کیں، بوڑھوں نے اپنی خمیدہ کمروں پر ظلم و ستم کے پہاڑ برداشت کیے ،عورتوں نے اَپنے بچے سُوئے مقتل روانہ کیے اَور لاکھوں عاشقانِ مصطفی ۖ نے قید و بند کی صعوبتیں برداشت کر کے قادیانیت کے ناسور کو آئینی لگام ڈالی ہے، اگر ہم اِس لگام کو بھی نہ تھام سکے تو کل کس منہ سے اَپنے بڑوں کا سامنا کریں گے۔ اگر کل قیامت میںہم سے سوال کر لیا گیا کہ تمہارے بڑوں نے خونِ جگر دے کر میری حرمت کا تحفظ کیا، اُنہوں نے میری ناموس پر چوکیداری کرتے زندگیاں لگادیں تم چند لمحات نہ دے سکے، اُنہوں نے میری عزت و ناموس ختم ِ نبوت کے باغیوں کو لگام ڈالی اَور تم تھام نہ سکے تو ہم کیا جواب دیں گے۔ مسلمانو ! خدارا ہوش میں آؤ اُمت کو بیدار کرو، قادیانی فتنہ سے آگاہ کرو اَور ناموسِ پاک ۖ کا دفاع کرو، شعورِ ختم نبوت اُجا گر کرو۔ آئیں مِل کر قادیانیت پر آئینی شکنجہ کسیں، اِس سے پہلے کہ موت ہمیں اَپنے شکنجہ میں جکڑ لے۔ قارئین اَنوارِمدینہ کی خدمت میں اپیل ماہنامہ اَنوارِ مدینہ کے ممبر حضرات جن کو مستقل طورپر رسالہ اِرسال کیا جارہا ہے لیکن عرصہ سے اُن کے واجبات موصول نہیں ہوئے اُن کی خدمت میں گزارش ہے کہ اَنوارِ مدینہ ایک دینی رسالہ ہے جو ایک دینی اِدارہ سے وابستہ ہے اِس کا فائدہ طرفین کا فائدہ ہے اَور اِس کا نقصان طرفین کا نقصان ہے اِس لیے آپ سے گزارش ہے کہ اِس رسالہ کی سرپرستی فرماتے ہوئے اَپنا چندہ بھی اِرسال فرمادیں اَوردیگر اَحباب کوبھی اِس کی خریداری کی طرف متوجہ فرمائیں تاکہ جہاں اِس سے اِدارہ کو فائدہ ہو وہاں آپ کے لیے بھی صدقہ جاریہ بن سکے۔(ادارہ)