ماہنامہ انوار مدینہ لاہور جنوری 2013 |
اكستان |
 |
قسط : ٣١ اَنفَاسِ قدسیہ قطب ِ عالم شیخ الاسلام حضرت مولانا سیّد حسین اَحمدصاحب مدنی کی خصوصیات ( حضرت مولانا مفتی عزیز الرحمن صاحب بجنور ی ) فاضل دارُالعلوم دیوبند و خلیفہ مجاز حضرت مدنی ض ض ض رُویائِ صالحہ : چونکہ میں گزشتہ سطور میں چند جگہ رُویائِ صالحہ کا تذکرہ کر چکا ہوں ممکن ہے کہ کسی کے قلب میں یہ بات پیدا ہو کہ میں حضرت شیخ الاسلام کے مقامات ِعالیہ کے سلسلے میںرُویائِ صالحہ سے بہت زیادہ اِستدلال کرتا ہوں سو معلوم ہونا چاہیے کہ اَگرچہ بظاہر میرا اِستدلال رُویائِ صالحہ سے رہا ہے لیکن بالواسطہ آنحضرت ۖ کے اِرشادِ گرامی سے ہے۔ آقائے نامدار رسول اللہ ۖ اِرشاد فرماتے ہیں : (١) اِذَا اقْتَرَبَ الزَّمَانُ لَمْ تَکَدْ رُؤْیَا الْمُؤْمِنِ تَکْذِبُ وَاَصَدَقُھُمْ رُؤْیَا اَصَدَقُھُمْ حَدِیْثًا وَرُؤْیَا الْمُسْلِمِ جُزْئ مِّنْ سِتَّةٍ وَّاَرْبَعِیْنَ جُزْئً مِّنَ النُّبُوَّةِ وَالرُّؤْیَا ثَلَاث : فَالرُّؤْیَا الصَّالِحَةُ بُشْرٰی مِنَ اللّٰہِ ، وَالرُّؤْیَا مِنْ تَحْزِیْنِ الشَّیْطَانِ، وَالرُّؤْیَا مِمَّا یُحَدِّثُ بِھَا الرَّجُلُ نَفْسَہ الخ رواہ الشیخان والترمذی واَبو داود ھٰکذا فی جمع الفوائد فی کتاب تعبیر الرؤیائ۔ ( سُنن ترمذی اَبواب الرُؤیا رقم الحدیث ٢٢٧٠ ) ''جب قیامت کا زمانہ قریب آئے گا تو مسلم کی خوابیں عمومًا سچی اُتریں گی اَور تم میں سچی خوابیں سچے لوگوں کی ہوں گی اَور مسلم کی خوابیں چھیالیسواں حصہ نبوت کا