ماہنامہ انوار مدینہ لاہور جنوری 2013 |
اكستان |
کے خلاف قانونی چارہ جوئی کرنا چاہتے ہیں۔ وکلاء ختم ِ نبوت سے مشاورت کے بعد تھانہ اِقبال ٹاؤن میں قادیانیوں کے خلاف لڑکی کے چچا کی طرف سے دَرخواست دی گئی۔ ایس ایچ اَو صاحب نے کہا کہ آپ درخواست جمع کروادیں ہم تفتیش کر کے اَپنے اَفسرانِ اَعلیٰ کو بھیج دیں گے جو آرڈر آئے گا ہم اُس کے مطابق پوری پوری کا رروائی کریں گے اَور ہمیں اَگلے روز شام چاربجے کا وقت دے دیا گیا۔ چنانچہ اَگلے دِن بروز جمعة المبارک مولانا سیّد اَنیس اَحمد شاہ صاحب اَور بھائی منیر اَحمد صاحب اِقبال ٹاؤن تھانے پہنچ گئے ،بہت سے شمع ِ رسالت ۖ کے پروانے بھی پہنچ گئے ایس ایچ اَو صاحب اَور ڈی ایس پی صاحب سے ملاقات کی تو اُنہوں نے کہا کہ C/ 298 (مرزائیت کی تبلیغ) کی اَتھارٹی اَیس پی صاحب کے پاس ہے یہ دَرخواست اُن سے مارک کروائیں۔ عصر کی نماز کے بعد تمام اَحباب اَیس پی صاحب سے ملاقات کے لیے گئے لیکن ملاقات نہ ہو سکی دوبارہ ایس ایچ اَو صاحب سے ملاقات کی اُنہوںنے کہا کہ ایس پی صاحب ڈی آئی جی صاحب کے پاس میٹنگ میں ہیں، فارغ ہونے کے بعد ملاقات ہوجائے گی، چنانچہ تمام ساتھی عشاء کی نماز تک اِنتظار کرتے رہے لیکن ملاقات نہ ہو سکی عشاء کی نماز کے بعد باقی ساتھیوں کو رُخصت دے دی گئی چند ایک ساتھی ملاقات کے لیے اِنتظار کرتے رہے تقریبًا رات گیارہ بجے کے قریب ملاقات ہوئی۔ پون گھنٹے مذاکرات کے بعدایس پی صاحب نے پرچے کا آرڈر دے دیا۔ مرزائی لڑکا حسان (دُولہا) اَور اُس کے دو بھائیوں کے خلاف FIR کٹوائی گئی رات ایک بجے کے قریب چھاپہ مار کر اُس کے بڑے بھائی کو گرفتار کر لیا گیا جبکہ حسان پاکستان سے باہر یُگنڈا جا چکا تھا۔ اللہ تعالیٰ کی مدد سے سر کار ِ دوعالم ۖ کے صدقہ ہمارے اَکابر حضرات خصوصًا شیخ الحدیث جامعہ مدنیہ جدید حضرت مولانا سیّد محمود میاں صاحب دامت برکاتہم اَور یادگارِ اَسلاف ہر دلعزیز حضرت مولانا مفتی محمد حسن صاحب دامت برکاتہم کی دُعاؤں اَور اہل ِ علاقہ و اِنتظامیہ کے تعاون سے قادیانیوں کو گرفتار کروایا گیا۔ اِنشاء اللہ یہ عمل مجاہدین ِ ختم ِ نبوت کے ہاتھ میں اللہ اَور اُس کے رسول ۖ کی رضا کا سرٹیفکیٹ اَور بخشش کا پروانہ ہے۔