ماہنامہ انوار مدینہ لاہور نومبر 2012 |
اكستان |
 |
چل کر میری حالت بالکل درست ہوگئی۔ اَب تیسری دفعہ میں نے اِرادہ آزمانے کے لیے مزار کا رُخ کر لیا مگر وہی ہوا جو پہلے دوبار ہو چکا تھا، میں اِستغفار پڑھتا ہوا تیز قدموں سے واپس آگیا۔ میرا حال پھر ٹھیک ٹھاک ہو گیا میں وہاں سے سیدھا اَمیر شریعت حضرت عطاء اللہ شاہ صاحب بخاری سے ملاقات کے لیے اُن کے یہاں حاضر ہوگیا۔ دیکھا تو اُن کے پاس ایک سفید ریش دَراز قد بزرگ رُومی ٹوپی پہنے مصروف ِ گفتگو تھے میرے جانے سے اُن کا سلسلہ گفتگو رُک گیا۔ شاہ صاحب بغل گیر ہوئے اُن صاحب نے بھی ہاتھ ملایا۔ مختصر خیر خیریت ہوچکی تو وہ صاحب پھر شاہ صاحب سے مخاطب ہوئے ''ہاں تو میں عرض کر رہا تھا کہ تاریخ سے کہیں ثابت نہیں ہوتا کہ شاہ شمس تبریز کبھی ملتان آئے ہوں بلکہ اُن کا کبھی ہندوستان میںبھی آنا ثابت نہیں۔ یہ قلعہ پر جو شاہ شمس ہے وہ سبز واری ہے یہ قرامطیوں کا سردار تھا (مجھے نام بھول گیا) فلاں حاکم ملتان نے قرامطیوں سے جہاد کیا بہت سے قتل کر دیے، یہ کم بخت بھاگ گیا اَور ایک عرصہ تک رُوپوش رہا۔ جب وہ حاکم ملتان فوت ہوا تو یہ شمس سبزواری پھر کہیں ملتان آیا وغیرہ وغیرہ۔ جب اُن کی بات مکمل ہوگئی تو عقدہ کھل گیا کہ میں اُس کی قبر پر کیوں فاتحہ نہیں پڑھ سکا۔ میں نے یہ تازہ واقعہ شاہ صاحب اَور اُن حضرت کو سنایا تو شاہ صاحب بہت خوش ہوئے اَور فرمایا : '' اَمین ! اللہ تجھ سے راضی رہے اُس نے پسند نہ کیا کہ تم ایک بے اِیمان پر فاتحہ پڑھو۔'' ١
١ سیّد اَمین گیلانی : قدرت کے کرشمے، اِدارہ سادات شیخوپورہ ١٩٩٥ء ص ٦١،٦٢