ماہنامہ انوار مدینہ لاہور اکتوبر 2010 |
اكستان |
 |
نام کتاب : سفر آخرت مرتب : مولانا محمد اسحق صاحب ملتانی صفحات : ١٦٠ سائز : ١٦/٢٣٣٦ ناشر : اِدارہ تالیفات اشرفیہ ملتان قیمت : درج نہیں زیر تبصرہ کتاب ''سفر آخرت'' ایک عربی کتاب ''اَلْمَیِّتْ'' کا اُردوترجمہ ہے جو مولانا زاہد محمود صاحب اُستاذ جامعہ قاسم العلوم ملتان نے کیا ہے۔ اِس کے ساتھ مولانا محمد اسحق صاحب مالک اِدارہ تالیفاتِ اَشرفیہ ملتان نے اپنے اکابر کے کچھ اِفادات بھی شامل کر دیے ہیں جس سے کتاب کی اِفادیت دو چند ہو گئی ہے۔ کتاب اپنے موضوع پر ایک اچھی کاوِش ہے۔ کتابت و طباعت عمدہ ہے۔ نام کتاب : مجلہ صفدر (شیخ المشائخ نمبر) مرتب : سرفراز حسن خان حمزہ صفحات : ٨٧٦ سائز : ٨/٢٠٢٦ ناشر : مظہریہ دارالمطالعہ، حق چار یار اکیڈمی، مدرسہ و محلہ حیات البنی نزد فوارہ چوک گجرات قیمت : ٥٠٠ علمی حلقوں میں شیخ المشائخ حضرت خواجہ خان محمد صاحب رحمہ اللہ کی شخصیت محتاجِ تعارف نہیں۔ آپ اپنے دور کے جامع شریعت و طریقت، عارف باللہ اَور مرتاض بزرگ تھے۔ آپ اَکابر علمائِ دیو بند کے فیض یافتہ اَور تحریک ختم نبوت کے قائد تھے۔ آپ نہایت کم گو، کم سخن، شیریں زبان تھے۔ آپ کی ذات بابرکات زُود اَثر اَور غیر متنازع تھی، ہر مسلک و مشرب کے لوگ آپ سے وابستہ تھے اَور اپنے اپنے ظرف کے مطابق آپ سے فیض پاتے تھے۔ آپ سینکڑوں مدارس و مساجد کے