ماہنامہ انوار مدینہ لاہور اکتوبر 2010 |
اكستان |
خانقاہ ِحامدیہ اَور رمضان المبارک بحمد اللہ رائیونڈ خانقاہ ِ حامدیہ میں حسب ِ معمول گزشتہ برسوں کی طرح اِس برس بھی رمضان المبارک میں ملک و بیرون ملک سے آئے ہوئے سالکانِ طریقت نے مسجد حامد میں شیخ الحدیث حضرت مولانا سیّد محمود میاں صاحب دامت برکاتہم کی معیت میں اعتکاف کیااَور سلوک و احسان، ریاضت و مجاہدہ میں مشغول و مصروف رہے۔ شیخ الحدیث حضرت مولانا سیّد محمود میاں صاحب دامت برکاتہم کی جانب سے مسترشدین و مریدین کے لیے کچھ اِجتماعی اعمال اَور کچھ حسب ِ حال ہر ایک کے لیے اِنفرادی اعمال کی ہدایات تھیں۔ اِس سال حضرت اَقدس سیّدی و مرشدی مولانا سیّد محمود میاں صاحب دامت برکاتہم نے مندرجہ ذیل تین حضرات کوخرقہ ٔخلافت و دَستار سے نوازا : ١۔ مولانا اِنعام اللہ صاحب بن پیر آدم خان صاحب،ٹانک صوبہ خیبر پختونخواہ(فاضل جامعہ مدنیہ جدید) ٢۔ مولانا محمد شاہد صاحب بن محمد حنیف صاحب ،اَوکاڑہ صوبہ پنجاب(فاضل جامعہ مدنیہ جدید) ٣۔مولانااشفاق حسین صاحب بن شیر محمد صاحب، ساہیوال صوبہ پنجاب(فاضل جامعہ مدنیہ جدید ) ٢٧ رمضان المبارک بعد نماز ِظہر خانقاہ ِحامدیہ میں حضور اَقدس ۖ کے موئے مبارک کی زیارت بھی کروائی گئی جو ہم سب کے لیے بہت ہی خوش قسمتی کی بات تھی۔ اللہ تعالیٰ اِن سلاسل طیبہ کے فیوض و برکات کو اَقوام ِعالم میں تا قیامت جاری و ساری فرماکر قبولیت سے نوازے اَور ہمیں اِن مشائخ کی تعلیمات پر عمل کی تو فیق عطا فرمائے ،آمین۔