ماہنامہ انوار مدینہ لاہور اگست 2009 |
اكستان |
|
جائے گی چاہے وہ نماز روزہ ہو یا کوئی اَور عبادت ہو۔ ایسے ہی عبادات کے دوران برائی کا اَثر ہوا کرتا ہے کہ وہ برائی سے کبھی تو ایسی خراب ہوجاتی ہے جیسے صاف پانی گرد و غباراَور خس وخاشاک سے اَور کبھی اِس سے بھی زیادہ ایسی کہ جیسے پاک پانی میں کوئی ناپاک چیز مل جائے تو پانی بالکل قابل ِ استعمال نہیں رہتا۔اِسی طرح وہ عبادات اِس برائی سے اِنتہاء درجہ خرابی کو پہنچ جاتی ہے لہٰذا عبادات کی حفاظت بھی ضروری اَمر ہے۔ اور ضروری ہے کہ روزہ کے دوران معصیت سے بچے۔ اور اَب معاصی اور گناہوں میں یہ حقیقت ہے کہ اِنسان سب سے زیادہ بہت آسانی سے جو گناہ کرتا ہے وہ زبان سے ہوتا ہے اَوریہ گناہ ایسا ہوتا ہے کہ اِس کا پتہ بھی نہیں لگتا نہ اُسے ندامت ہوتی ہے نہ وہ خدا سے توبہ کرتا ہے۔ اور اِسی بے شعوری کے باعث مثلاً کسی کی غیر موجود گی میں اُس کا ذکر ایسے اَنداز سے کرنا کہ اگر وہ یہاں موجود ہوتا تو اِسے برا لگتا گناہ ہے اور اِسی کا نام'' غیبت ''ہے۔ لیکن آپ دیکھیں گے کہ عام طور پر غیبت کرنے کے بعد آدمی یہ کہتا ہے کہ میں نے تو وہ بات ذکر کی ہے جو اُس آدمی میںواقعی خرابی کی ہے میں نے اُس کے سر جھوٹ تو نہیں لگایا۔یا یہ کہتا ہے کہ میں یہ بات اُس کے منہ پر کہہ سکتا ہوں میں اُس سے ڈرتا نہیں۔ اور یہ نہیں جانتا کہ اِسی کا نام غیبت ہے اور یہی بدگمانیوں اور جھگڑوں کی جڑ ہے کیونکہ جب یہ بات دُوسرے تک پہنچے گی تو اُس کی بڑی دل آزاری ہوگی وہ رنجیدہ خاطر اور ناراض ہوجائے گا۔ اور پھر وہ بھی کوئی ایسی ہی بات اِس کے بارے میں اِس کی غیر موجود گی میں کہہ دے گا جو اُس شخص میں واقعی کمزوری کی ہوگی اورجب وہ اِس تک پہنچے گی تو یہ برہم ہوگا اِس طرح بے وجہ صرف زبان کی بے احتیاطی سے نا اتفاقی جنم لے گی۔ لہٰذا شریعت نے اِسے اخلاقی جرم قرار دیا اِس کا دروازہ ہی بند کردیا اور فرمایا : وَلَا ےَغْتَبْ بَّعْضُکُمْ بَعْضًا اَےُحِبُّ اَحَدُکُمْ اَنْ ےَّأْکُلَ لَحْمَ اَخِےْہِ مَےْتًا فَکَرِھْتُمُوْہُ وَاتَّقُوا اللّٰہَ اِنَّ اللّٰہَ تَوَّاب رَّحِیْم o (سورۂ حجرات آیت نمبر ١٢ ) حدیث شریف میں اِرشاد فرمایا گیا : مَنْ لَّمْ یَدَعْ قَوْلَ الزُّوْرِ وَالْعَمَلَ بِہ فَلَیْسَ لِلّٰہِ حَاجَةً ِاَنْ یَّدَعَ طَعَامَہ وَشَرَابَہ ۔ (ترمذی باب ماجاء فی التشدید فی الغیبة للصائم ص ٨٩) اللہ تعالیٰ ہمیں اپنی مرضیات پر چلنے کی توفیق عطا فرمائے ،آمین