ماہنامہ انوار مدینہ لاہور مئی2009 |
اكستان |
 |
سے سزا ملنے کی اُس کو خبر دی جاتی ہے، لہٰذا اُس کے نزدیک کوئی چیز اِس سے زیادہ ناپسند نہیں ہوتی جو مرنے کے بعد اُس کے سامنے پیش آنے والی ہے۔ اِسی وجہ سے وہ اللہ تعالیٰ کی ملاقات کو ناپسند کرتا ہے چنانچہ اللہ تعالیٰ بھی اُس کی ملاقات کو ناپسند فرماتے ہیں۔ (مشکوة شریف عن البخاری والمسلم) ایک مرتبہ حضرت عائشہ رضی اللہ عنہا نے دریافت کیا یا رسول اللہ ۖ کیا عورتوں پر جہاد ہے؟ آپ ۖ نے فرمایا ہاں عورتوں پر ایسا جہاد ہے جس میں جنگ نہیں ہے یعنی حج اور عمرہ ۔(مشکوة شریف ) ایک مرتبہ آنحضرت ۖ سے حضرت عائشہ رضی اللہ عنہا نے سوال کیا یا رسول اللہ ۖ (یہ تو واقعہ ہے ) کوئی شخص بغیر اللہ تعالیٰ کی رحمت کے جنت میں داخل نہ ہوگا۔ آنحضرت ۖ نے فرمایا (ہاں ) اللہ تعالیٰ کی رحمت کے بغیر کوئی بھی جنت میں نہ جائے گاتین مرتبہ یوں ہی فرمایا ۔ حضرت عائشہ رضی اللہ عنہا نے دوبارہ سوال کیا کہ اے اللہ کے رسول ۖ آپ بھی اللہ کی رحمت کے بغیر جنت میں داخل نہ ہوں گے؟ آپ ۖ نے ماتھے پر مبارک ہاتھ رکھ کر فرمایا وَلَا اَنَا اِلَّا اَنْ یَّتَغَمَّدَنِیَ اللّٰہُ مِنْہُ بِرَحْمَتِہ (میں بھی جنت میں داخل نہ ہوں مگر یہ کہ اللہ مجھے اپنی رحمت میں ڈھانپ لیوے)تین مرتبہ یہی فرمایا (مشکوٰة شریف) ایک مرتبہ سیّد ِ عالم ۖ سے حضرت عائشہ رضی اللہ عنہا نے عرض کیا یا رسول اللہ ۖ ! یہ تو فرمائیے اگر مجھے معلوم ہوجائے کہ لیلة القدر کون سی ہے (یعنی یہ علم ہوجائے کہ آج لیلة القدر ہے ) تو دُعا میں کیا کہوں ! آنحضرت ۖ نے فرمایا یوں کہنا اَللّٰھُمَّ اِنَّکَ عَفُوّ تُحِبُّ الْعَفْوَ فَاعْفُ عَنِّیْ اے اللہ بلاشبہ تو معاف کرنے والا ہے معاف کرنے کو پسند کرتا ہے لہٰذا تو مجھے معاف فرما۔ (مشکوٰة)۔(جاری ہے) دُعائِ صحت کی اپیل مظاہر العلوم سہارنپور میںحضرت مولانا محمد طلحہ صاحب مدظلہم العالی کافی دنوں سے علیل ہیں ،قارئین کرام سے حضرت کی صحت کے لیے دُعاء کی درخواست کی جاتی ہے۔