ماہنامہ انوار مدینہ لاہور اگست 2008 |
اكستان |
 |
فاطمہ کا نکاح کردیا اگر علی اِس پر راضی ہوں۔ اُس وقت حضرت علی رضی اللہ عنہ موجود نہ تھے۔ اِس کے بعد آنحضرت ۖ نے ایک طبق میں خشک کھجوریں (یعنی چھوارے) منگائے اور حاضرین سے فرمایا جس کے ہاتھ چھوارے پڑیں لے لیوے چنانچہ حاضرین نے ایسا ہی کیا۔ پھر اُسی وقت حضرت علی پہنچ گئے۔ اِن کو دیکھ کر آنحضرت ۖ مسکرائے اور فرمایا کہ بے شک اللہ تعالیٰ نے مجھے حکم دیا کہ تم سے فاطمہ کا نکاح چار سو مثقال چاندی مہر مقرر کرکے کردُوں، کیا تم اِس پر راضی ہو؟ اُنہوں نے عرض کیا جی میں راضی ہوں یا رسول اللہ ! جب حضرت علی نے رضامندی ظاہر کردی تو آنحضرت ۖ نے دُعا دیتے ہوئے فرمایا : جَمَعَ اللّٰہُ بَیْنَکُمَا وَاَعَزَّ جَدَّکُمَا وَبَارَکَ عَلَیْکُمَا وَاَخْرَجَ مِنْکُمَا کَثِیْرًا طَیِّبًا اللہ تم میں جوڑ رکھے اور تمہارا نصیبا اچھا کرے اور تم پر برکت دے اور تم سے بہت اور پاکیزہ اَولاد ظاہر فرماوے۔ الاصابہ میں لکھا ہے تَزَوَّجَ عَلِیّ فَاطِمَةَ فِیْ رَجَبَ سَنَةَ مَقْدَمِہِمُ الْمَدِیْنَةَ وَبَنٰی بِھَا مَرْجِعَھُمْ مِنْ بَدْرٍ وَّلَھَا یَوْمَئِذٍ ثَمَانَ عَشَرَةَ سَنَةً یعنی حضرت علی نے حضرت فاطمہ سے ماہِ رجب میں نکاح کیا جبکہ ہجرت کرکے مدینہ منورہ پہنچے تھے اور رُخصتی غزوۂ بدر سے واپس ہونے پر ہوئی۔ اُس وقت حضرت سیّدہ فاطمہ کی عمر ١٨ سال تھی۔ اِس سے معلوم ہوتا ہے کہ نکاح اور رُخصتی ایک ہی ساتھ نہ ہوئی تھی۔ (جاری ہے) ( شب ِ براء ت کی مسنون دُعا ) حضرت عائشہ بیان فرماتی ہیں کہ رسول اکرم ۖ کو میں نے شب ِ برا ء ت سجدہ میںیہ دُعا کرتے سُنا اَعُوْذُ بِعَفْوِکَ مِنْ عِقَابِکَ وَاَعُوْذُ بِرَضَاکَ مِنْ سَخَطِکَ وَ اَعُوْذُبِکَ مِنْکَ جَلَّ وَجْہُکَ لَآاُحْصِیْ ثَنَائً عَلَیْکَ اَنْتَ کَمَا اَثْنَیْتَ عَلٰی نَفْسِکَ۔ صبح کو میں نے آپ سے اِن دُعاؤں کا تذکرہ کیا تو فرمایا کہ اِن دُعاؤں کو یاد کرلو اور دُوسروں کو بھی اِن کی تعلیم دو کیونکہ جبرئیل علیہ السلام نے مجھے یہ دُعائیں سکھائیں اور کہاکہ سجدہ میں یہ مکرر سہ کرر پڑھی جائیں''۔ (ما ثبت بالسنة ص ١٧٣)