Deobandi Books

کاپھیردیںگے، نہیں ایسے معاملات اگرقیادت کے پاس جائیں گے اور پھر وہ اُس کی تہہ تک پہنچ کرآپ کوبتائیں گے کہ اِس کی اصل علت یہ ہے اورہمیں اِس رُخ پرجاناچاہیے تو وہ بہتر ہوگا تمہارے لیے، تم بتاسکتے ہو کیونکہ وہ حالات سے زیادہ واقف ہوتے ہیں جوکہ بیوروکیٹ کی صورتِ حال سے واقف ہوتے ہیں دُشمن کے داؤسے زیادہ آگاہ ہوتے ہیں توقرآنِ کریم کس طرح خوبصورتی کے ساتھ ہماری رہنمائی کرتاہے اِس اَندازکے ساتھ ہمیں جاناچاہیے۔ 
اورمیں اپنے ساتھیوں سے ہمیشہ یہ عرض کرتاہوں کہ دیکھو ہم مسلمان ہیں اللہ نے ہمیں ایمان عطا کیا ہے الحمدللہ۔ ہم اپنے آپ کوحق پرسمجھتے ہیں ہم مسلمان ہیں توبھی ہم حق پرہیں ہم سُنّی ہیں توبھی ہم حق پرہیں ہم حنفی ہیں توبھی ہم اِس چیز پر مطمئن ہیں اور شرح صدر ہے ہمیں، ہم دیوبندی ہیں تب بھی ہمیں اطمینان ہے مکمل طور پر اور پھرہم جمعیت علماء اسلام میں ہیں اِس سے بھی ہمیں مکمل طورپراطمینان ہے۔ اَب ظاہرہے کہ اِس میں یاتوکفر و ایمان کااِمتیازہے تواِس میں تو کوئی بحث ہی نہیں ہے کہ ایمان حق ہے اورکفرباطل کچھ چیزیں اجتہادی ہوتی ہیں کہ جس میں آپ اپنے آپ کوحق پر ضرورسمجھیں لیکن اپنے آپ میں حق کو منحصر نہ کریں اِتنابڑا دعوٰی بھی نہ کریں کہ اگراِس راستے پرکوئی ہے توٹھیک، نہیں توپھر کافر ہے یہاں تک بھی نہیں جانا چاہیے ہرچیز میں اعتدال ہو اَکابر دیوبند نے یہ اعتدال ہی بنیادی طور پر اپنی نظروں میں رکھا ہو ا ہے اِس پرخاص نظر ہے ہمارے اَکابر کی۔ 
اَب ظاہرہے جب ہم ایک چیزپردعوے دا رہیں کہ یہ حق ہے توپھرہمارے مدّنظر دو باتیں ہوں گی۔ ایک یہ کہ حق کی بقا کیسے ہو اور دُوسری یہ کہ باطل کی فنا کیسے ہو؟ باطل کی فنا بھی مقصود ا ور حق کی بقابھی مقصود ہے لیکن دونوں چیزوں کے لیے قوت لازم ہے جب قوت نہیں ہے تو جاؤ پھر غار میں بیٹھ جاؤ اور اپنے ایمان کی حفاظت کرو۔ حق بھی معروف اورباطل بھی معروف لیکن قوت نہیں ہے توپھراپنے ایمان کی حفاظت کرو۔ اَب قوت جب لازم ہے توپھر قوت کے پیمانے کو دیکھنا ہے کہ قوت ہے کتنی؟ اگر قوت اِتنی زیاد ہ ہے آپ کے پاس کہ آپ باطل کی فناء کے لیے اِستعمال کریں توبالکل کرلیں اوراُس کوفنا کردیں کیونکہ باطل ہے ہی فنا ہونے کے لیے اوراگراِتنی قوت نہیں ہے طاقت کاپیمانہ کم ہے تو پھراُس کو حق کی بقا کے لیے اِستعمال کرو اور اگرطاقت کم ہے آپ اُس کوڈالتے ہیں باطل کی فنا کے لیے تو پھر اُلٹا وہ حق کی فنا کاسبب بن سکتاہے۔