ماہنامہ انوار مدینہ لاہور مئی 2008 |
اكستان |
 |
خَلَاتِ الْقَصْوَآئُ یہ اُونٹنی جو ہے یہ اَڑ گئی ہے تو رسول اللہ ۖ نے فرمایا کہ یہ بات نہیں ہے یہ اَڑی نہیں ہے بلکہ حَبَسَھَا حَابِسُ الْفِیْلِ ١ جس نے اُن کو روک لیا تھا جو ہاتھیوں کا لشکر لے کر آئے تھے اُس نے اِس کو بھی روک لیا تو اَب میں نیت اپنی بدلتا ہوں پہلے نیت میری یہ تھی حدیبیہ کے موقع پر ٦ ھ میں کہ ہم مکہ مکرمہ پر حملہ بھی کریں گے لڑیں گے بھی لیکن پھر آپ نے نیت بدل لی اور فرمایا لڑیں گے نہیں بلکہ صلح کرلیں گے اور جو بات بھی وہ ایسی کہیں گے کہ جس میں اللہ تعالیٰ کی محترم چیزوں کی توہین نہ ہوتی ہو وہ میں مان لوں گا یہ رسول اللہ ۖ نے اِرشاد فرمایا اور جب یہ فرمادیا صحابہ کرام سے کہ میں اپنی نیت لڑنے کے بجائے نہ لڑنے کی کررہا ہوں تو پھر جو اُونٹنی کو اُٹھایا تو وہ اُٹھ کر کھڑی ہو گئی۔ رسول اللہ ۖ نے فرمایا تھا کہ اُونٹنی اَڑی نہیں ہے اور یہ اُس کی عادت بھی نہیں ہے کہ وہ ایسے اَڑے مَاخَلَاتِ الْقَصْوَآئُ وَمَاذَاکَ لَھَا بِخُلُقٍ ۔ تو رسول اللہ ۖ کا سَچ مُچ اِرادہ نہیں تھا کہ مکہ مکرمہ پر حملہ کریں لیکن فوجی تیاریاں تو جاری ہی تھیں اِس طرف نہیں دس طرف اَور۔ لڑائیاں جہاد برابر جاری تھے۔ تو اِنہوں نے جو لکھا تو اُس میں ایک ایسی ہی بات تھی خیالی سی لیکن نقصان ہوسکتا تھا اُس سے بھی کہ وہ زیادہ تیاری میں لگ جاتے اُدھرتوجہ زیادہ ہوجاتی اور وہ بلاوجہ ہوتی جبکہ رسول اللہ ۖ کی یہ نیت رہی نہیں تھی کہ مکہ مکرمہ پر مسلح حملہ آور ہوںکبھی، بدل ہی لی تھی نیت سوائے اِس صورت کے کہ جو معاہدے کی خلاف ورزی وہ کریں تو اَلگ بات ہے، نہ کریں معاہدے کی خلاف ورزی تو پھر حملے کا کوئی سوال ہی نہیں۔ خط کی اطلاع بذریعۂ وحی : رسول اللہ ۖ کو بذریعۂ وحی اطلاع ملی کہ اُنہوں نے یہ خط بھیجا ہے اور ایک عورت کے ہاتھ بھیجا ہے اور وہ عورت فلاں جگہ ہے تو آپ نے بھیجا، حضرتِ علی رضی اللہ عنہ گئے حضرتِ زبیر رضی اللہ عنہ گئے یا اور کوئی صحابی تھے حضرتِ علی رضی اللہ عنہ کے ساتھ غالبًا حضرتِ زبیر رضی اللہ عنہ ہی تھے ٢ دونوں سے کہا کہ وہاں جاؤ روضۂ خاخ ایک جگہ ہے وہاں وہ ملے گی تمہیں جاؤپہنچی ہوئی ہوگی اُس وقت، وہاں تم اُس سے وہ خط لے لینا ۔ وہ گئے تو مل گئی واقعی وہ اُسی صفت کی ایک عورت تھی وہاں جارہی تھی اُس سے کہا کہ دیکھو وہ خط دے دو ،کہنے لگی نہیں میرے پاس کوئی خط نہیں ہے اُنہوں نے کہا نہیں خط ضرور ہے تمہارے پاس۔ اُس کی تلاشی لی یا ١ بخاری شریف ص ٣٧٨ ٢ مشکٰوة شریف ص ٥٧٧ اور بخاری شریف ص ٤٢٢