ماہنامہ انوار مدینہ لاہور مئی 2008 |
اكستان |
|
درس حدیث حضرت ِاقدس پیر و مرشدمولانا سید حامد میاںصاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈروڈلاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچا یا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے ۔(آمین ) اہل ِ بدر و حدیبیہ کی عظمت ۔ کفارِ مکہ نے مہاجرین کی جائدادیں ضبط کرلی تھیں حضرت حاطب رضی اللہ عنہ کا خط اور اُس کی وجہ نبی علیہ السلام نے مکہ پر حملہ کا اِرادہ ترک فرمادیا تھا ( تخریج و تزئین : مولانا سیّد محمود میاں صاحب ) ( کیسٹ نمبر 55 سائیڈ B 31 - 01 - 1986 ) الحمد للّٰہ رب العالمین و الصلٰوة والسلام علٰی خیر خلقہ سیدنا و مولانا محمد وآلہ واصحابہ اجمعین امابعد ! حضرت جا بر رضی اللہ عنہ فرماتے ہیں کہ ایک شخص تھے وہ حاطب ابن ِ ابی بلتعہ کے غلام تھے۔ حاطب بن ابی بلتعہ ایک صحابی ہیں، اِنہوں نے ہجرت تو کی تھی پھر یہ دیکھا کہ آپس میںکچھ مسلمانوں نے اور مکہ مکرمہ کے کچھ کافروں نے معاہدے کر رکھے ہیں کہ ہماری جو جائداد مدینے میں ہے اُس کی نگرانی آپ کرتے رہیں اور آپ کی جو جائداد مکہ مکرمہ میں ہے اُس کی ہم کرتے رہیں ،ممکن ہے آمدنی کا بھی تبادلہ ہوگیا ہو کہ فلاں فلاں جگہ کی فلاں فلاں آمدنی آپ لے لیں مدینہ شریف میں وصول کرلیں اور آپ کی جو جائداد مکہ مکرمہ میں ہے اُس کی ہم وصول کرلیں گے، تو اِس طرح کی مثالیں تھیں بہت کم۔ کفارِ قریش نے مہاجرین کی جائدادیں ضبط کرلی تھیں : کیونکہ جائدادیں جو بیشتر تھیں وہ تو اُنہوں نے ضبط کرلی تھیں یہ سردار قسم کے جو چند افراد تھے اُن کی