ماہنامہ انوار مدینہ لاہور مئی 2008 |
اكستان |
 |
قرآنِ پاک میں ہے لَقَدْ رَضِیَ اللّٰہُ عَنِ الْمُؤْمِنِیْنَ اِذْ یُبَایِعُوْنَکَ تَحْتَ الشَّجَرَةِ اللہ تعالیٰ نے اپنی رضا سے نوازدیا مومنین کو جب وہ بیعت کررہے تھے آپ سے درخت کے نیچے فَعَلِمَ مَافِیْ قُلُوْبِھِمْ اللہ تعالیٰ نے اُن کے دلوں کی کیفیت کو جانچ لیا امتحان میں پاس کردیا فَاَنْزَلَ السَّکِیْنَةَ عَلَیْھِمْ اُن پر سکون کی کیفیت اللہ نے نازل فرمادی جو خاص رحمت کی علامت ہے وَاَثَابَھُمْ فَتْحًا قَرِیْبًاO وَمَغَانِمَ کَثِیْرَةً یَّأْخُذُوْنَھَا وغیرہ یہ سورۂ اِنَّافَتَحْنَا لَکَ فَتْحًا مُّبِیْنًا میں آتا ہے تو اِن حضرات میں سے کوئی بھی جہنم میں نہیں جائے گا حساب کتاب بھی اگر ہوگا تو بھی اِس درجے کا کہ گویا وہ گناہ گار ہوئے ہی نہیں ہیں کہ وہ جہنم میں جائیں ،اللہ نے اُن کو پھر نیکی کی طرف لگادیا اور جس سے اللہ تعالیٰ راضی ہوجائے جس پر نظر رحمت فرمادے بس وہ پھر چلتی ہی رہتی ہے آگے بڑھتا ہے اُس کا سلسلہ اور اُس میں اُس کو ترقی ہوتی رہتی ہے برابر، گناہوں کی قوت اُس کی کم ہوتی چلی جاتی ہے حتّٰی کہ یہ سب اُس کی مغفرت کا پورا سامان ہوجاتا ہے اُس کے دُنیا سے رُخصت ہوتے ہی۔ اللہ تعالیٰ ہم سب کو اِن کی محبت پر قائم رکھے اور آخرت میں اِن کا ساتھ نصیب فرمائے، آمین۔ اِختتامی دُعاء …… دس سورتیں دس چیزوں سے بچاتی ہیں علامہ جلال الدین سیوطی رحمة اﷲ علیہ تحریر فرماتے ہیں دس چیزیں (سورتیں) دس چیزوں سے بچاتی ہیں : (١)سورئہ فاتحہ اﷲ تعالیٰ کے غضب سے بچاتی ہے (٢) سورئہ یٰسین قیامت کے دن پیاسے رہنے کے لیے مانع ہے (٣) سورئہ دُخان قیامت کی ہولناکیوں سے بچاتی ہے (٤) سورئہ واقعہ فقرو فاقہ سے بچاتی ہے( ٥) سورئہ ملک عذابِ قبر سے بچاتی ہے( ٦) سورہ ٔکوثر دشمنوں کی دشمنی سے بچاتی ہے (٧) سورئہ کافرون موت کے وقت کفر سے بچاتی ہے (٨) سورئہ اِخلاص منافقت سے بچاتی ہے(٩) سورئہ فلق حاسدوں کے حسد سے بچاتی ہے (١٠) سورہ ٔناس وسوسوں سے بچاتی ہے۔(جواہر پارے)