ماہنامہ انوار مدینہ لاہور مئی 2008 |
اكستان |
|
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٣٠مارچ کو مولانااحمداللہ صاحب زاہدان ایران سے تشریف لائے اورحضرت مہتمم صاحب سے ملاقات کی اور مختلف اُمور پر گفتگو ہوئی۔ ٤اپریل کوحضرت مولاناسیدمحمودمیاں صاحب سخاکوٹ کے سفر کے لیے روانہ ہوئے،واپسی پر پشاور اور لکی مروت سے ہوتے ہوئے ١٩ اپریل کو بخیریت واپس تشریف لائے۔ ١٣ اپریل کوحضرت مولاناسیدمحمودمیاں صاحب اقراء مدینة الاطفال ٹرسٹ کی سالانہ تقریب میں شرکت کی اور حاضرین سے قرآن کی عظمت اور حفاظت کے موضوع پر بیان فرمایا۔ ١٣ اپریل کو محترم ڈاکٹر نعیم الدین خان صاحب،سید فرید احمد صاحب اور حافظ مجاہد صاحب دیگر احباب کے ہمراہ بعد اَز نماز عصر جامعہ مدنیہ جدید تشریف لائے۔جامعہ کی تعلیمی اور تعمیراتی ترقی کو دیکھ کر خوشی و مسترت کا اظہار کیا۔ ١٤ اپریل کو شیخ الحدیث حضرت مولاناسیدمحمودمیاں صاحب حضرت مولانا صوفی عبدالحمید صاحب سواتی رحمة اللہ علیہ اور مولانا زاہد الراشدی صاحب کے خسر صاحب کی تعزیت کے لیے مدرسہ نصرت العلوم گوجرانوالہ تشریف لے گئے۔ جامعہ کے مدرس مولانا حسین احمد صاحب بھی آپ کے ہمراہ تھے، بعد ازاں وہاں سے سیالکوٹ تشریف لے گئے اور ١٥اپریل کو بعد اَزنماز مغرب بخیریت واپس تشریف لائے۔ ١٦اپریل کو حضرت مہتمم صاحب فاضل جامعہ مولوی عقیل احمد صاحب میواتی کے والد صاحب کی تعزیت کے لیے اُن کے گاؤںسَیدْ پور ضلع قصور تشریف لے گئے ۔ ٢١ اپریل کو حضرت مولاناسیدمحمودمیاںصاحب صبح گیارہ بجے محمد عاطف صاحب کی شاہ عالم مارکیٹ میں دُکان کا افتتاح کرنے کے لیے تشریف لے گئے۔ اِسی روز جناب حافظ رشید احمد صاحب کراچی سے تشریف لائے اور حضرت مہتمم صاحب سے بعد اَز نماز عشاء اُن کی رہائش گاہ پرملاقات کی۔( باقی ص ٥٢ )