ماہنامہ انوار مدینہ لاہور مئی 2008 |
اكستان |
|
حرف آغاز نحمدہ ونصلی علٰی رسولہ الکریم امابعد ! ١٩اپریل کے قومی روزنامہ میں یہ خبرشائع ہوئی ہے کہ : بنگلہ دیش میں چاول اورگندم کی بڑھتی ہوئی قیمتوں کے پیش ِنظروہاں کی فوج کوآلوکھانے کاحکم دیاگیاہے۔ بنگلہ دیش کی پانچ لاکھ سے زائدفوج کویہ حکم فوج کے آرمی چیف جنرل معین الدین احمداورعبوری حکومت نے جاری کیاہے۔حکم نامہ میں کہاگیاہے کہ دُنیاکی طرح بنگلہ دیش میں بھی چاول اورگندم کی قیمتیں زیادہ ہوگئیں لہٰذافوج اپنی خوراک تبدیل کرے اورآلوکھائے کیونکہ نہ صرف سستاہے بلکہ آسانی سے دستیاب بھی ہو جا تا ہے ۔ بنگلہ دیش کی حکومت کایہ فیصلہ نہ صرف قابل ِتحسین بلکہ قابلِ تقلیدبھی ہے۔ بنگلہ دیش جوکہ اقتصادی اورمعاشی اعتبارسے پاکستان کے مقابلے میں نسبتاً بہترہے مگر اِس کے باوجود حالات کی سنگینی کااِدراک کرتے ہوئے وہاں کی قیادت نے بہت ہی بروقت بالکل دُرست فیصلہ کیا ۔ و یسے بھی فوج پرقوم کے سرمایہ کابڑاحصّہ اِسی لیے خرچ کیاجاتاہے تاکہ ایک سخت جان اورمنظم عسکری طاقت تیارکی جائے جوآڑے وقت میں قوم وملک کے نہ صرف کام آئے بلکہ قربانی بھی پیش کرسکے اِسی لیے فوجی اَفسران اورجوانوں کوچاہیے کہ وہ اَزخودآڑے وقت میں اپنے آپ کو ملک کے عوام الناس کوپیش آنے والی مشکلات میں عملاًشامل رکھیں۔