ماہنامہ انوار مدینہ لاہور فروری 2008 |
اكستان |
 |
درس حدیث حضرت ِاقدس پیر و مرشدمولانا سید حامد میاںصاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈروڈلاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچا یا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے ۔(آمین ) اَنصار کون ہیں ؟ رسول اللہ ۖ کی اِن کے بارے میں ہدایات پیشنگوئی کہ اَنصار کم ہو جائیں گے ( تخریج و تزئین : مولانا سیّد محمود میاں صاحب ) (کیسٹ نمبر 55 سائیڈ A 27-12-1985) الحمد للّٰہ رب العالمین و الصلٰوة والسلام علٰی خیر خلقہ سیدنا و مولانا محمد وآلہ وا صحابہ اجمعین امابعد ! حضرتِ آقائے نامدار ۖ نے صحابۂ کرام میں اَنصار کی تعریف فرمائی ہے اُس میں اِس درجہ تک اِرشاد فرمایا کہ لَایُبْغِضُ الْاَنْصَارَ اَحَد یُّؤْمِنُ بِاللّٰہِ وَالْیَوْمِ الْاٰخِر ِ ١ اَنصار سے کوئی ایسا آدمی بغض نہیں رکھ سکتا جو اللہ اور آخرت پر ایمان رکھتا ہو۔ اَنصار کون ہیں ؟ اَنصار وہ حضرات ہیں جنہوں نے جنابِ رسولِ کریم علیہ الصلوٰة والسلام کی اور (ہجرت کرنے والے) صحابۂ کرام کی مدد کی اُن کو اپنے پاس رکھا اُن کی ہر مشکل میں کام آئے، آگے بڑھ کر کام کیا وَالَّذِیْنَ تَبَوَّئُ وا الدَّارَ وَالْاِیْمَانَ مِنْ قَبْلِھِمْ یہ جنہوں نے گھر اور ایمان دونوں کو جگہ دی اپنے یہاں یُحِبُّوْنَ مَنْ ھَاجَرَ اِلَیْھِمْ جو اُنکے پاس ہجرت کرکے آتا ہے اُس سے وہ محبت رکھتے ہیں وَلَایَجِدُوْنَ فِیْ صُدُوْرِھِمْ ١ مشکوٰة شریف ص ٥٧٩