ماہنامہ انوار مدینہ لاہور فروری 2008 |
اكستان |
|
حرف آغاز نحمدہ ونصلی علٰی رسولہ الکریم اما بعد ! ١٨جنوری کوشائع ہونے والے قومی روزناموں میں چیف آف آرمی سٹاف جنرل اشفاق کیانی کی طرف سے یہ خبرشائع ہوئی ہے کہ : '' تمام سول محکموں اوراُن کے ذیلی اِداروںمیں خدمات سرانجام دینے والے حاضر سروس فوجی افسروں اوراہلکاروں کواُن کے یونٹوں میں واپس بلانے کافیصلہ کرلیاگیاہے اوراِس فیصلہ کی تفصیلات کافیصلہ اگلے اَڑتالیس گھنٹوں میں کرلیاجائے گا۔'' جنرل کیانی کے اِس فیصلہ کوملک میں ہرسطح پرسراہاگیاہے اوراِس پرعملددرامدکی صورت میں اِس کوبہت خوش آیندہ قراردیاگیاہے ۔ جنرل کیانی اپنے اِس فیصلہ میں اگرسنجیدہ ہیں تواُن کواِس کے بہترسے بہترثمرات کے حصول کے لیے مزیدبہت سے اہم اقدامات کرناہوں گے ۔تاحال یہ بات واضح نہیں ہوئی کہ اُن کے فیصلہ پرعمل در آمد ہوایانہیں اگرہوا ہے توکس حدتک؟ البتہ یہ بات یقینی ہے کہ اگروہ اپنے فیصلہ میں سنجیدہ ہیں تواُنہیں مزیدبہت سے اہم اقدامات کرنے ہوں گے، اِن میںسب سے پہلاقدم یہ اُٹھاناچاہیے کہ سکیورٹی کونسل ختم کردی جائے