ماہنامہ انوار مدینہ لاہور اگست 2006 |
اكستان |
|
سلسلہ نمبر٢٤ قسط : ٢ ، آخری قسط ''الحامد ٹرسٹ''نزد جامعہ مدنیہ جدید رائیونڈ روڈ لاہورکی جانب سے شیخ المشائخ محدثِ کبیر حضرت اقدس مولانا سیّد حامد میاں صاحب رحمة اللہ علیہ کے بعض اہم خطوط اور مضامین کو سلسلہ وار شائع کرنے کا اہتمام کیا گیا ہے جو تاحال طبع نہیں ہوسکے جبکہ ان کی نوع بنوع خصوصیات اس بات کی متقاضی ہیں کہ افادۂ عام کی خاطر اِن کو شائع کردیا جائے۔ اسی سلسلہ میں بعض وہ مضامین بھی شائع کیے جائیں گے جو بعض جرا ئد و اخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔(ادارہ) یزید اور شراب عباسی صاحب نے کتاب ''وَقْعَةُ صِفِّیْنِ'' کو بہت اہمیت دی ہے۔ وہ لکھتے ہیں : واقعہ صفین کے قدیم ترین مؤلف نے لکھا ہے (خلافت معاویہ ویزید ص ٦٠) اور دوسرے صفحہ پر حوالہ کی اہمیت ظاہر کرنے کے لیے لکھا ہے ص ١٨٧ وقعة صفین، نصر بن مزاحم متوفی ٢١٢ ھ۔ دیکھئے خلافت معاویہ ص ٦١۔ اس لیے میں نے بھی یہ واقعہ اور اُس کی تشریح لکھی ہے۔ اب ان حضرات کی روایات ملاحظہ ہوں جو قتال میں عدم شمولیت کی وجہ تھیں۔ حضرت سعد رضی اللہ عنہ کی روایت : وَاَخْرَجَ التِّرْمِذِیُّ عَنْ یُّسْرِ بْنِ سَعْدٍ اَنَّ سَعْدَ بْنَ اَبِیْ وَقَّاصٍ قَالَ عِنْدَ فِتْنَةِ عُثْمَانَ بْنِ عَفَّانَ اَشْھَدُ اَنَّ رَسُوْلَ اللّٰہِ صَلَّی اللّٰہُ عَلَیْہِ وَسَلَّمَ قَالَ اِنَّھَا سَتَکُوْنُ فِتْنَة اَلْقَاعِدُ فِیْھَا خَیْر مِّنَ الْقَائِمِ وَالْقَائِمُ خَیْر مِّنَ الْمَاشِیْ وَالْمَاشِیْ خَیْر مِّنَ السَّاعِیْ قَالَ قُلْتُ اَفَرَأَیْتَ اِنْ دَخَلَ عَلٰی بَیْتِیْ وَبَسَطَ یَدَہ اِلَیَّ لِیَقْتُلَنِیْ قَالَ کُنْ کَابْنِ آدَمَ ۔ (ازالة الخفاء ج٢ ص ٢٨١) ''حضرت سعد بن ابی وقاص رضی اللہ عنہ نے حضرت عثمان بن عفان رضی اللہ عنہ کے جھگڑے کے وقت فرمایا : میں گواہی دیتا ہوں کہ جناب رسول اللہ ۖ نے فرمایا