ماہنامہ انوار مدینہ لاہور اگست 2006 |
اكستان |
 |
عالمی خبریں اسرائیل سے تعلق : عرب لیگ نے نیسلے کی مصنوعات کا بائیکاٹ کردیا دمشق (اے ایف پی) عرب لیگ نے اسرائیل سے تعلق کی بناء پر بین الاقوامی کمپنی نیسلے کی مصنوعات کا بائیکاٹ کردیا ہے۔ ترجمان کے مطابق نیسلے کمپنی کی ایک برانچ اسرائیل میں بھی ہے اور اِسے وہاں سے برانچ ختم کرنے کے لیے ایک سال کی مہلت دی گئی تھی۔ تاہم اِس نے ایسا نہیں کیا چنانچہ عرب لیگ نے اِس کی مصنوعات کا بائیکاٹ کرنے کا فیصلہ کیا ہے۔ (روزنامہ نوائے وقت ٥ جولائی ٢٠٠٦ئ) کٹاس مندر کی تعمیر سے امن کی فضا بہتر ہوگی بھارت بھی پاکستان کی طرح مذہبی مقامات کی حفاظت کو یقینی بنائے۔ شجاعت ،پرویز الٰہی چکوال (نمائندہ نوائے وقت) پاکستان مسلم لیگ کے صدر چودھری شجاعت اور پرویز الٰہی نے کہا ہے کہ جس طریقے سے حکومت پاکستان میں ہندئووں کے مقدس مقامات کی حفاظت اور دیکھ بھال کررہی ہے ہمیں توقع ہے کہ اِسی طرح بھارت میں مساجد اور مسلمانوں کی حفاظت کو یقینی بنایا جائے گا۔ ہندوئوں کے تاریخی کٹاس مندر کی تزئین و آرائش کا کام پانچ سال میں مکمل کرلیا جائے گا۔ چکول میں مندر کٹاس کی تزئین و آرائش کی افتتاحی تقریب سے خطاب کرتے ہوئے چودھری شجاعت نے کہا کہ لوگ کہیں گے کہ مسلم لیگ کو کیا ضرورت ہے کہ وہ اس کام میں پڑگئی ہے۔ مسلم لیگ نے بین المذاہب ہم آہنگی کو فروغ دینے اور دونوں ممالک کے عوام کو قریب لانے کے لیے یہ اقدام کیا ہے۔ اس مندر کی تعمیر سے دونوں ممالک میں امن کی فضا آگے بڑھے گی اور عوام کے درمیان رابطوں کو فروغ حاصل ہوگا۔ ہم توقع رکھتے ہیں کہ بابری مسجد جیسا کوئی سانحہ بھارت میں دوبارہ رُونما نہیں ہوگا۔ مشاہد حسین نے کہا کہ ہم بین المذاہب ہم اہنگی کو فروغ دینگے۔ وفاقی وزیر اعجاز الحق نے کہا کہ پاکستان میں اقلیتوں کو مکمل حقو ق حاصل ہیں۔ وزیر اعلیٰ پنجاب چودھری پرویز الٰہی نے اپنے خطاب میں کہا کہ جب چکوال میں سیمنٹ فیکٹریاں لگائی تھیں تو اُس کی مخالفت ہوئی تھی، اس علاقے میں ایک بلین ڈالر کی سرمایہ کاری ہوئی ہے