ماہنامہ انوار مدینہ لاہور ستمبر 2005 |
اكستان |
 |
افادیت کی بناء پر مقبول عام ہوئے ۔اِس وقت ہمارے پیش ِنظر اِس رسالہ کا قائداہلِ سنت نمبر ہے جو اپنی ضخامت کے لحاظ سے تمام نمبروں سے بڑھا ہوا ہے، اس ضخیم نمبر میں تفصیل کے ساتھ حضرت قاضی صاحب رحمہ اللہ کے احوال وآثار پیش کئے گئے ہیں ۔ مرتب نے قائد اہل ِسنت نمبرکو چودہ ابواب میں منقسم کیا ہے جودرج ذیل ہیں (١)آغازسخن (٢) تعزیتی خطوط (٣) ہمارے باباجی (٤)منتخب مکاتیب (٥)مقالات ومضامین (٦)یاد گار قراردادیں (٧)منظوم خراج عقیدت (٨) آئینہ تحاریر (٩) آئینہ تصاویر (١٠) منظوم کلام (١١)معاصراخبارات وجرائد کا خراج تحسین (١٢) اخباری بیانات (١٣)تاریخ ہائے وفات ووِلادت (١٤) مکتوباتِ اکابر۔ ان ابواب کے تحت حضرت قاضی صاحب کے حالات زندگی کے ساتھ ساتھ تقریباً ایک صدی کی تاریخ کے بہت سے نایاب گوشے سامنے آگئے ہیں، اس حوالے سے مرتب موصوف کی کوشش قابل قدر ہے اوروہ شکریہ کے مستحق ہیں ۔ دو ایک باتوں کی طرف توجہ ضروری ہے ،اول یہ کہ اس ایڈیشن میں بھی پروف ریڈنگ صحیح طورپر نہیں ہو سکی جس کی وجہ سے کتابت کی بہت سی اغلاط رہ گئی ہیں آئندہ ایڈیشن میں ان اغلاط کی درستگی کی طرف توجہ کی جائے، دوم یہ کہ ٹائیٹل پیج کے ساتھ حضرت قاضی صاحب کی سندکا عکس دیا گیا ہے اوراس کے نیچے لکھا گیا ہے ''دارالعلوم دیوبند کی طرف سے عطا کی گئی سند''۔ا س کی تصحیح کی بھی ضرورت ہے اس لیے کہ یہ سند دارالعلوم دیوبند کی نہیں ہے بلکہ یہ تو وہ سند ہے جو شیخ الاسلام حضرت مولاناسیّد حسین احمد مدنی کی طرف سے آپ کے خواص تلامذہ کو اُن کی طلب پردی جاتی تھی ، بہرحال قائد ِاہلِ سنت نمبر مجموعی حیثیت سے نہایت ہی عمدہ کاوش ہے اورتذکرہ و سوانح سے تعلق رکھنے والے حضرات کے لیے خاصہ کی چیز ہے۔ نام کتاب : شیخ الاسلام مولانا حسین احمد مدنی ایک سوانحی وتاریخی مطالعہ تصنیف : سیّد فرید الوحیدی صفحات : ٨٦٨ سائز : ١٦/٢٣٣٦ ناشر : شعبہ نشرواشاعت ،جامعہ دارالعلوم، ملتان