ماہنامہ انوار مدینہ لاہور اپریل 2005 |
اكستان |
 |
تفصیلات کے مطابق ایسی غیر قانونی بزنس کے مرکزی کردار عامر چودھری نے لاہور اورکراچی میں بھی غیر قانونی انٹر نیشنل ٹیلیفون گیٹ وے قائم کررکھے تھے ۔ ایف آئی اے پی ٹی اے اورپی ٹی سی ایل کی مشترکہ ٹیم نے لاہور میں واقع جی پی او کمپائونڈ میں واقع پوسٹل لائف انشورنش کی بلڈنگ میں چھاپہ مار کر انٹر نیشنل ٹیلی فون گیٹ میں استعمال ہونے والے آلات بر آمد کرلیے ہیں جبکہ کراچی میںبھی چھاپہ مارا گیا مگر چھاپے کے دوران تاحال کوئی چیز برآمد نہیں ہوئی ہے ۔ ذرائع نے خبریں کو بتایا ہے کہ ملزم نے تسلیم کیا ہے کہ اُس نے سترہزار منٹ ماہانہ غیر قانونی ٹریفک استعمال کی ہے۔ انٹر نیشنل ٹیلیفون گیٹ وے کے مرکزی کردار کرنل(ر) عامر چودھری اور ایم ڈی پوسٹل فائونڈیشن نے سر یا چوک اسلام آباد میں واقع الائیڈ بینک کے اندر مشترکہ بینک اکائونٹ کھول رکھا تھا اوراس غیر قانونی بزنس سے حاصل کیے جانے والے کروڑوں روپے اسی مشترکہ اکائونٹ میں جمع کیے گئے ۔بغیر لائسنس کے غیر قانونی انٹرنیشنل ٹیلیفون گیٹ وے انٹر نیشنل لائسنس پر مشتمل تھا۔ اوراس گیٹ وے کے ذریعے پی ٹی سی ایل کو بائی پاس کرکے انٹر نیشنل ٹریفک منتقل کی جاتی تھی، ذمہ دار ذرائع کا کہنا ہے کہ یہ اپنی نوعیت کا بہت بڑا سکینڈل ہے۔ پی ٹی اے ، ایف آئی اے اورپی ٹی سی ایل کی مشترکہ ٹیم نے جب پوسٹل کالج کے اندر چھاپہ مارا تو اُس پر غیر قانونی بزنس کے مرکزی کردار ملزم لیفٹیننٹ کرنل (ر) عامر چودھری نے مشترکہ ٹیم کے افسران اوراہل کاروں کو دھمکیاں دیں اورکہا کہ ڈائریکٹرجنرل ایف آئی اے اِن کے سسر ہیں مگر جب اس دوران ایف آئی اے کے افسران نے اِن سے باز پرس کی تو وہ خاموش ہوگیا اور فوراً گرفتار کرلیا گیا ۔