ماہنامہ انوار مدینہ لاہور اپریل 2005 |
اكستان |
 |
اسلام آباد (تحقیقاتی رپورٹ، ملک منظوراحمد)پاکستان ٹیلی کمیونیکیشن اتھارٹی ،ایف آئی اے اورپی ٹی سی ایل کی مشترکہ ٹیم نے پوسٹل سٹاف کالج اسلام آباد میں قائم غیر قانونی انٹر نیشنل ٹیلی فون گیٹ چلانے والے پاک فضائیہ کے سابق سربراہ ائیر مارشل ریٹائرڈ ظفر چوہدری کے فرزند ریٹائرڈ لیفٹیننٹ کرنل عامر چوہدری کو گرینڈ آپریشن کے دوران دِن دیہاڑے گرفتار کرلیا ہے ۔ ملزم لیفٹیننٹ کرنل (ر) عامر چوہدری نے گرفتاری کے فوراً بعد اعترافِ جرم کرلیا ہے ۔ٹیلی کام ایکٹ کے سیکشن 31کی خلاف ورزی پر ملزم کو دوسال قید اورایک کروڑ جرمانہ یا دونوں سزائیں ہوسکتی ہیں ۔ سوموار کے روز دن ساڑھے 3بجے سے لے کر شام 7بجے تک ایف آئی اے ، پی ٹی اے اورپی ٹی سی ایل کی مشترکہ ٹیم کا گرینڈ آپریشن پوسٹل کالج G-8 مرکز میں جاری رہا۔ ایف آئی اے نے ملزم کو عدالت میں پیش کردیا جہاں سے اُسے جیل بھیج دیا گیا ۔ 22مارچ2005 کو عدالت میں چالان پیش کیا جائے گا۔ تفصیلات کے مطابق پاک فضائیہ کے سابق سربراہ ائیر مارشل (ر) کے بیٹے ریٹائرڈ لیفٹیننٹ کرنل عامر چودھری نے پوسٹل کالج کے ساتھ ایک معاہدہ کررکھا تھا اس معاہدے کی یاد داشت پر پاکستان پوسٹ کے سربراہ میجر جنرل (ر) آغا مسعود الحسن اور پوسٹل فائونڈیشن کے منیجنگ ڈائریکٹر کے دستخط موجود ہیں ۔ملزم لیفٹیننٹ کرنل (ر) عامر چوہدری نے یہ معاہدہ کمپیوٹر ٹریننگ فرا ہم کرنے کی آڑ میں کررکھا تھا اور اندرون ِخانہ اعلیٰ حکام کی ملی بھگت سے غیر قانونی انٹر نیشنل ٹیلی فون گیٹ وے قائم کرکے ماہانہ کروڑوںروپے کمارہے تھے اور ڈی ایس ایل لائسنسز پر غیر قانونی طورپر انٹر نیشنل کالز لے کر ڈبلیو ایل ایل کے ذریعے یہاں پاکستان میں کالز کو TRANSMITکر رہے تھے اوراس غیر قانونی بزنس سے پی ٹی سی ایل کو کروڑوں روپے کا نقصان ہوا ہے ۔