ماہنامہ انوار مدینہ لاہور اگست 2004 |
اكستان |
 |
جناب حمیدلکھنوی صاحب سلام بدرگاہِ خیر الانام علیہ الصلٰوة والسلام ٭آفتابِ رسالت پہ لاکھوں سلام ماہتابِ نبوت پہ لاکھوں سلام باغِ جنت کے ہیں پھول رُخ پر نثار روئے انور کی رنگت پہ لاکھوں سلام ''اُمّتی اُمّتی'' لب پہ جاری رہا ناز بردارِ اُمّت پہ لاکھوں سلام خود سَروں کو پڑھایا سبق عجز کا مصدرِ علم و حکمت پہ لاکھوں سلام دُشمنوں سے بھی پیش آئے جو خُلق سے ایسی پاکیزہ سیرت پہ لاکھوں سلام اِک اشارے میں شق کردیا چاند کو ایسے ماہِ رسالت پہ لاکھوں سلام جس نے باغِ جہاں کو معطر کیا اس پسینہ کی نکہت پہ لاکھوں سلام جس کے محتاج ہیں سب غریب و امیر اس نگاہِ عنایت پہ لاکھوں سلام عاصیوں پر جو بخشش کے در کھول دے ایسے تاجِ شفاعت پہ لاکھوں سلام جس کے جلوے سے عالم منور ہوا اُس ظہورِ حقیقت پہ لاکھوں سلام ابتداء جس کی ہو آپ کے نام سے ایسی دلکش عبارت پہ لاکھوں سلام جگمگاتی جو ذکرِ رسالت سے ہو اُس سحر کی لطافت پہ لاکھوں سلام باریابی کا حاصل ہو جس کو شرف اُس سلامِ محبت پہ لاکھوں سلام خوابگاہِ رسالت پہ بے حد درُود سبز گنبد کی نزہت پہ لاکھوں سلام جب لیا نام ، دل کو سکوں ہو گیا مونسِ رنج و کلفت پہ لاکھوں سلام روز و شب ہے میسر حضوری اُنہیں اہلِ طیبہ کی قسمت پہ لاکھوں سلام مجھ گنہگار پر بھی ہو لطف و کرم آپ کی چشمِ رحمت پہ لاکھوں سلام آگیا پھر لبوں پر ''مُحَمَّدْ'' حمید بھیجئے نامِ حضرت پہ لاکھوں سلام