ماہنامہ انوار مدینہ لاہور اگست 2004 |
اكستان |
|
حرف آغاز نحمدہ ونصلی علیٰ رسولہ الکریم امابعد ! باری تعالیٰ کا ارشاد ہے ! الذین ان مکنّٰہم فی الارض اقاموا الصلٰوة واٰتوا الزکوة وامروا بالمعروف ونھوا عن المنکر وللّٰہ عاقبة الامور ۔ (پارہ ١٧ رکوع ١٣) ترجمہ : '' وہ لوگ کہ اگر ہم ان کو قدرت دیں ملک میں تووہ قائم رکھیں نماز اور دیں زکٰوةاور حکم کریں بھلے کام کا اور منع کریں برائی سے اور اللہ کے اختیار میں ہے آخر ہر کام کا''۔ اس آیت میں اللہ تعالیٰ اُن لوگوں کی تعریف فرمارہے ہیں جو اقتدار میں آکر اللہ تعالیٰ کے احکامات کو بجا لاتے ہوئے دوسروں کو بھی اُن پر عمل کراتے ہیںخاص طورپر نماز اور نظامِ زکٰوة کو رائج کرنا ، اچھی باتوں کا حکم اور بری باتوں سے روکنا اُن کے اہم مقاصد ہوتے ہیں ۔ گزشتہ ماہ کی ١٢/ تاریخ کو صوبہ سرحد کے وزیرِ اعلیٰ جناب اکرم خان درانی نے اعلان کیا کہ : ''آئندہ صوبہ سرحد میں ہر سرکاری اور نجی عمارت میں مسجد کی تعمیر لازمی ہوگی اور نماز کے اوقات میں دکانیں بند رکھیں جائیں گی انہوں نے کہا کہ مسجد کی تعمیر نظرانداز کرنے کی صورت میں عمارت کو گرادیا جائے گا ''۔ صوبہ سرحد کی حکومت کا یہ اقدام قابلِ صد ستائش ہونے کے ساتھ ساتھ قابلِ تقلید بھی ہے ۔پنجاب اور دیگر صوبوں کو بھی چاہیے کہ وہ سرحد حکومت کی تقلید کرتے ہوئے نماز جیسے اہم رکن کو صوبہ میں قائم کریں ۔اس سے قبل بھی صوبہ