ماہنامہ انوار مدینہ لاہور اگست 2004 |
اكستان |
|
مسواک کی فضیلت : نبی کریم صلی اللہ علیہ وسلم نے فرمایا: ''جو نماز مسواک کے ساتھ پڑھی جائے وہ بغیر مسواک کے پڑھی جانے والی ستر (٧٠) نمازوں سے بہتر ہے۔'' ام المؤمنین سیدہ عائشہ صدیقہ رضی اللہ تعالی عنہا سے روایت ہے کہ رسول اکرم صلی اللہ علیہ وسلم نے فرمایا : ''مسواک کرکے دو رکعت پڑھنا، بغیر مسواک کے ستر (٧٠) رکعت پڑھنے سے مجھے زیادہ بہتر ہے۔'' اگر مسواک نہ ہو تو انگلی کو مسواک بنالیں : حضور صلی اللہ علیہ وسلم نے ارشادفرمایا : ''تیری انگلی تیرا مسواک ہے، اگر تو نے مسواک کی نیت سے انگلی دانتوں پر پھیر لی تو اس سے بھی مسواک کا اجر مل جائے گا۔'' برش کا حکم : جیسا کہ حدیث اور فقہ کی عبارات سے معلوم ہوچکا ہے کہ مسواک میں جو فضیلت اور ثواب پایا جاتا ہے مسواک کی موجودگی میں دوسری کسی چیز میں یہ فضیلت یا ثواب نہیں پایا جاتا ہے ۔ موجودہ دور میں مسواک کا استعمال بہت کم ہوگیا ہے ۔ البتہ دانتوں کی صفائی اور مضبوطی کی غرض سے برش منجن اور ٹوتھ پیسٹ وغیرہ کا عام رواج ہوگیا ہے۔ طبی نقطہ نگاہ سے ممکن ہے منجن یا ٹوتھ پیسٹ بھی مفید ہوں لیکن جو خاصیت مسواک میں پائی جاتی ہے وہ کسی بھی دوسری چیز میں نہیں ہوسکتی۔ علاوہ ازیں مسواک کرنے سے نہ صرف بے شمار طبی فوائد حاصل ہوتے ہیں بلکہ بے انتہا ثواب بھی ملتا ہے اور یہ دیگر اشیاء کے مقابلے میں زیادہ سستی ہے۔ علماء کا ارشاد ہے کہ مسواک دانتو ںکی چوڑائی میں کیا جائے لمبائی میں نہ کرے جب کہ بعض علماء کا کہنا ہے کہ طول و عرض دونوں میں کرے اگر دونوں میں سے ایک پر اکتفا کرنا ہو تو پھر چوڑائی میں کرنا چاہئے۔ خواتین کے لئے مسواک : مسواک کی فضیلت میں مرد اور عورت برابر کے شریک ہیں لیکن عورت مسواک کرنے پر قدرت رکھنے کے باوجود اس کی پابند نہیں ہے بلکہ اس کے لئے صنوبر کا گوند چبالینا بھی مسواک کے قائم مقام ہے۔ اس سے دانت مضبوط