ماہنامہ انوار مدینہ لاہور جنوری 2003 |
اكستان |
 |
وفیات حضرت اقدس بانی جامعہ قدس سرہ العزیز کی ہمشیرہ صاحبہ ١٦ رمضان المبارک کو طویل علالت کے بعد دیوبند انڈیا میں وفات پا گئیں انا للہ وانا الیہ راجعون ۔مرحومہ بہت عابدہ صابرہ خاتون تھیں۔ اس حادثہ پرہندوپاک میں آباد حضرت اقدس کے خانوادہ کی خدمت میں اہل ادارہ تعزیت مسنونہ پیش کرتے ہیں اور دعاء گو ہیں کہ اللہ تعالیٰ مرحومہ کی مغفرت فرماکر جنت الفردوس میں جگہ عطا فرمائیں او ر پسماندگان کو صبر جمیل کی توفیق نصیب ہو۔آمین۔ جامعہ مدنیہ کے شعبہ قرأت کے استاذ جناب قاری ادریس صاحب کے بہنوئی شو ا ل کے پہلے عشرہ میں دماغ کی شریان پھٹنے کی وجہ سے انتقال کر گئے۔ مرحوم ضلع قصور کے سرحدی گائوںچٹھیانوالہ میں عرصہ دراز سے خطیب تھے۔اللہ تعالیٰ ان کی مغفرت فرمائے او ر ان کے بچوں کی کفالت فرمائے۔آمین۔ ٭ ٣٠دسمبر کو محترم الحاج بھائی فیرو ز صاحب کے بہنوئی جناب عبدالغفار صاحب حرکت قلب بند ہو جانے کی وجہ سے انتقال فرماگئے ۔انا للہ وانا الیہ راجعون ۔چند سال پہلے تک ماہنامہ انوار مدینہ مرحوم ہی کے پریس سے طبع ہوتا تھامرحوم ایک ملنساز طبع انسان تھے۔ اللہ تعالیٰ مغفر ت فرماکر جوارِ رحمت میں جگہ عطا فرمائے اور ان کے پسماندگان کو صبر جمیل نصیب ہو۔ ٭ کریم پارک کے حاجی مشتاق صاحب کی اہلیہ دسمبر کے آخری عشرہ میں اچانک دماغ کی شریان پھٹنے کی وجہ سے انتقا ل کر گئیں۔ اللہ تعالیٰ مرحومہ کی مغفر ت فرماکر پسماندگان کو صبر کی توفیق عطا فرمائے۔ جامعہ مدنیہ جدید اور خانقاہ حامدیہ میں جملہ مرحومین کو ایصال ثواب اور دعائے مغفرت کی گئی ۔قارئین کرام سے بھی یہی درخواست ہے۔